पिंपरी - आई होणं हा प्रत्येक स्त्रीच्या आयुष्यातील परमोच्च आनंदाचा क्षण. मात्र, कोरोनाच्या दहशतीमुळे चक्क गर्भवती महिलांनी नियमित तपासण्या बंद केल्याचे समोर आले आहे. संसर्गाच्या भीतीपोटी शासकीय व खासगी रुग्णालयात बाळाच्या तपासणीसाठी येणाऱ्या गर्भवती महिलांचे प्रमाण पन्नास टक्क्यांहून अधिक घटल्याचे समोर आले आहे. 

यशवंतराव चव्हाण रूग्णालयात स्त्री रोग व प्रसूती विभागात दररोज उपचारासाठी येणाऱ्या 80 ते 90 महिला असतात. रुग्णालयात पाऊल ठेवायला जागा उरत नाही. डॉक्टरही कमी पडतात. सध्य स्थितीत अवघ्या 25 ते 30 महिला सोनोग्राफी व तपासणीसाठी येत आहेत. खासगी दवाखाने देखील कमी वेळ सुरू असल्याने व काही बंद असल्याने महिला पेचात सापडल्या आहेत.

- बातम्या ऐकण्यासाठी डाऊनलोड करा ई-सकाळचे ऍप

ज्या महिलांचे गर्भधारणेचे आठ महिने उलटले आहेत अशा महिलांची मानसिकता संसर्गजन्य परिस्थितीमुळे खालावली आहे. तिसऱ्या महिन्यापासून विविध तपासण्यासाठी महिलांनी अद्यापपर्यंत घर सोडले नाही. काही जण फोनवरूनच विचारणा करत आहेत. बाळाच्या वाढीसाठी हृदयाचे ठोके व नाडी तपासणी चौथ्या महिन्यात केली जाते. मात्र, महिलांनी या तपासणीकडेही पाठ फिरवली आहे. 

ही घ्या काळजी..
गर्भवती व नवजात शिशु मातांनी आवश्यक तपासणीसाठीच घर सोडणे आवश्यक आहे. दोन ते तीन आठवड्यामध्ये करण्यात येणाऱ्या तपासण्या चार ते पाच आठवड्याने कराव्यात. सर्दी, ताप, खोकला असल्यास तत्काळ शासकीय रुग्णालयात संपर्क साधावा. घरात योगा, प्राणायाम व योग्य तेवढी झोप आवश्यक आहे. चौरस आहार  गरजेचा आहे. बाहेरील संपर्क टाळणे अत्यावश्यक आहे. तितकीच स्वच्छता महत्वाची. सोळा आठवड्यानंतर बालकाच्या हालचालीवर लक्ष ठेवणे गरजेचे आहे. 

पोलिसांनी भुकेने व्याकूळ असलेल्या वृद्धेला जवळ बोलावले अन्...

सोनोग्राफी सेंटर व खासगी दवाखाने कमी वेळ सुरू  काही खासगी दवाखान्यासह सोनोग्राफी सेंटर कमी वेळ सुरू असल्याने महिला चिंतेत आहेत. वेळप्रसंगी कुठे धाव घेणार असा प्रश्न महिलांसमोर उभा आहे.

वायसीएम रुग्णालय सोडून लवकरच स्वतंत्र कक्ष सुरू करण्याचे प्रयत्न आहेत. कोरोनामुळे महिला घाबरल्या आहेत त्यामुळे उपचारासाठी येत नाहीत. पण हे घातक आहे. 31 मार्च नंतर ठोस निर्णय होणे अपेक्षित आहे. आम्ही मातांचे समुपदेशन ही करत आहोत.
- डॉ. महेश असलकर, स्त्रीरोग तज्ज्ञ, वायसीएम रुग्णालय.