पुणे - कामगारांना देण्यासाठी ठेवलेले पैसे खर्च झाल्याने, तसेच कामगारांना काय उत्तर द्यावे, म्हणून ठेकेदाराने त्याला हांडेवाडी येथे लुटल्याचा बनाव रचल्याचा धक्कादायक प्रकार उघड झाला आहे. या सर्व प्रकरणाची कोंढवा पोलिसांनी कसून चौकशी करीत त्याच्याविरुद्ध खोटी फिर्याद दिल्याचा गुन्हा दाखल करण्यात आला आहे. 

केंद्र सरकारचा अजब कारभार : अतिवृष्टीच्या दोन महिन्यानंतर केंद्रीय पथक बारामतीत

भाऊसाहेब लाला वाळुंजकर असे गुन्हा दाखल झालेल्या ठेकेदाराचे नाव आहे. वाळुंजकर 20 डिसेंबर रोजी हांडेवाडी रस्त्यावरून जात असताना दुचाकीवरून आलेल्या व्यक्तींनी त्यांना अडविले. त्यांना शस्त्राचा धाक दाखवून त्यांच्याजवळील दोन लाख 70 हजार रूपयांची रोकड लुटल्याची तक्रार कोंढवा पोलिसांकडे दिली होती. त्यानुसार कोंढवा पोलिसांनी तत्काळ घटनास्थळी धाव घेऊन जबरी चोरीच्या गुन्ह्याचा तपास सुरू केला. वाळुंजकर यांच्याकडे आरोपींबाबत चौकशी केली. त्यावेळी त्यांनी सांगितलेल्या वर्णनावरून आरोपीचा शोध घेतला जात होता.

- ताज्या बातम्यांसाठी डाऊनलोड करा ई-सकाळचे ऍप

दोन्ही आरोपींनी हेल्मेट घातल्याचे असल्याचे वाळुंजकर हे सांगत होते. त्यानुसार पोलिसांनी परिसरातील 20 ते 25 ठिकाणचे सीसीटीव्ही फुटेज ताब्यात घेतले. त्याची पाहणी केली. त्यावेळी त्या सीसीटीव्हीत फक्त वाळुंजकर हेच दुचाकीवरून जाताना दिसत होते. पण, त्यांनी वर्णन सांगितलेले आरोपी कोणत्याही सीसीटीव्ही फुटेजमध्ये दिसत नव्हते.

- पुण्याच्या बातम्या वाचण्यासाठी येथे ► क्लिक करा

त्यामुळे पोलिसांना त्यांच्यावरच संशय आला. त्यांना बोलवून चौकशी केली. त्यांच्यावर प्रश्नांचा भडीमार करून विचारणा केली, त्यावेळी त्यांनी बनाव रचल्याचे सांगितले. ठेकेदारास पोलिसी खाक्‍या दाखविताच त्याने खोटी फिर्याद दिल्याचे सांगितले. आठवड्याला कामागाराच्या पगारासाठी त्यांना त्यांचा ठेकादार पैसे देत असतो. पण, यावेळी दिलेले पैसे खर्च झाले. त्यामुळे खोटी फिर्याद दिल्याची कबुली दिली होती, अशी माहिती वरिष्ठ निरीक्षक सरदार पाटील यांनी दिली.

Edited By - Prashant Patil