पुणे : शहरातील खाजगी कार्यालयांना 15 टक्के उपस्थितीत कामकाज सुरू करण्याची परवानगी दिली असली तरी कोरोनाच्या भीतीपोटी आणि कर्मचारी गावी असल्याने अजूनही वर्क फ्रॉम समोरच भर दिला जात असल्याचे चित्र सोमवारी पाहायला मिळाले. अनेक ठिकाणी अगदी 5 ते 10 टक्के मनुष्यबळ उपस्थित होते. तर ज्या कार्यालयात प्रत्यक्ष येऊनच काम करावे लागत आहे, तेथील वर्दळ मात्र काहीशी वाढली आहे.

- पुणेकर खवय्यांसाठी 'थोडी खुशी थोडा गम'; वाचा महत्त्वाची बातमी
सामाजिक अंतर पाळले जाईल आणि सुरक्षाविषयक इतर खबरदारी घेण्यासाठी सध्या कार्यालयमध्ये काही बदल देखील केले जात आहेत. ऑफिसमध्ये दोन टेबलांच्यामध्ये अंतर ठेवणे. जागोजागी सॅनिटायझर ठेवण्यात आले असून कागदांचे गठ्ठे कमी करण्यात आले आहेत. काही ठिकाणी हात धुण्यासाठी स्पर्श विरहित यंत्रणा उपलब्ध करण्यात आली आहे. 

 पुण्याच्या बातम्या वाचण्यासाठी येथे ► क्लिक करा

उत्पादन क्षेत्रातील कंपन्यांमधील कामगारांची संख्या जास्त असते तर शहरातील विविध भागातील कामगार त्या ठिकाणी जात असतात. त्यामुळे अशा कंपन्यात अधिक खबरदारी घेतली जात आहे. तब्बल दोन महिन्याच्या कालावधीनंतर कार्यालयात दाखल झाल्याने  कामगारांमध्ये उत्साह जाणवला. मात्र कोरोनाची भीती देखील तयांच्या मानत घर करून आहे. 
Video : कोरोना योद्धा म्हणायचं अन् पगार कपात करायचा?; पुण्यात नर्सेसचे आंदोलन

एका आयटी कंपनीत काम करणारे अक्षय कोल्हटकर म्हणाले, आमची कंपनी सुरू झाली असून काही लोक ऑफिसला जाऊन काम करत आहे. माझे बरेचसे सहकारी गावी गेले आहेत. त्यामुळे त्यांना घरून काम करण्याची मुभा देण्यात आली आहे. त्यामुळे ऑफिसला येऊनच काम केलं पाहिजे अशी कोणतीही सक्ती नाही. 

शिफ्टमध्ये कामकाज सुरू : 
परवानगी मिळाल्यानंतर सर्व कर्मचारी उपस्थित झाल्यास कार्यालयात सामाजिक अंतर पाळने शक्य नाही, अशा ठिकाणी सध्या शिफ्टमध्ये काम सुरू आहे. त्यामुळे सामाजिक अंतर राखले जात असून कर्मचाऱ्यांच्या सुरक्षेची काळजी घेणे शक्य होत आहे. तसेच शिफ्टमध्ये काम सुरू केल्याने कामकाज देखील वाढत आहे.

गेटवरच चेक पॉईंट : 
कर्मचारी संख्या जास्त असून कार्यालयाची जागा देखील मोठी असलेल्या ऑफसमध्ये अगदी मुख्य गेटवरच तपासणी केली जात आहे. काही ठिकाणी निर्जंतुकीकरण करणारे फवारे लावण्यात येत आहेत. तापमानाची तपासणी करून मास्क असल्याशिवाय कामगारांना आत सोडण्यात येत नाही. तर वाहनांचे देखील निर्जंतुकीकरण करण्यात येत आहे. 

''आमच्या कंपनीचे ऑफिस आजपासून सुरू झाले आहे. एकूण कर्मचाऱ्यांच्या तुलनेत सध्या केवळ दहा टक्के लोक कामावर येत आहेत. त्यातही दोन शिफ्टमध्ये काम सुरू करण्यात आले आहे. कोविडचा प्रादुर्भाव होऊ नये यासाठी आवश्यक असलेली सर्व खबरदारी घेण्यात येत आहे.''
- सुरेश पाटील, संचालक, तिरुपती ग्रुप

अशी घेतली जातेय खबरदारी : 
- गेटवरच कामगारांची तपासणी
- सामाजिक अंतरासाठी बैठकीची व्यवस्था बदलली
- प्रत्येक टेबलवर सॅनिटायझरची बाटली 
 - स्वच्छतागृह व वाहनांचे निर्जंतुकीकरण
- फोन किंवा मेलवरच संभाषण
- कामावर येताना- जाताना तापमानाची तपासणी