पुणे: राज्यातील विद्यापीठे आणि महाविद्यालयांमधील प्राध्यापकांनी त्यांचे एक दिवसाचे वेतन 'कोरोना' आपत्तीच्या विरोधात लढण्यासाठी सरकारला मदत म्हणून दिण्याचा निर्णय घेतला अाहे. राज्यातील प्राध्यापकांच्या 'महाराष्ट्र फेडरेशन ऑफ युनिव्हर्सिटीज अँड कॉलेज टीचर्स ऑर्गनायझेशन'ने (एमफुक्टो) या संघटनेने हा निर्णय घेतला. 

बातम्या ऐकण्यासाठी डाऊनलोड करा ई-सकाळचे ऍप
राज्यातील करोना विषाणू बाधितांच्या संख्येत वाढ होत आहे. हा वाढता संसर्ग रोखण्यासाठी संचारबंदीसह विविध प्रतिबंधात्मक उपाय राबवण्यात येत आहेत. या पार्श्वभूमीवर राज्य शासनाच्या प्रयत्नांना हातभार लावण्यासाठी विविध क्षेत्रातील लोक शासनाच्या मदतीला धावून येत आहेत. 'एमफुक्टो' संघटनेनेही पुढाकार घेत , एमफुक्टोचे अध्यक्ष डॉ. तपती मुखोपाध्याय आणि सरचिटणीस डॉ. एस. पी. लवांडे यांनी एक दिवसाचे वेतन सरकारला देण्यासाठीचे निवेदन मुख्यमंत्री उद्धव ठाकरे यांना  दिले आहे.

रेडी रेकनरचे दर 31 मे पर्यंत जैसे थे

राज्यातील ११ अकृषी विद्यापीठांमध्ये संघटनेचे सदस्य असलेले सुमारे ३० हजार प्राध्यापक कार्यरत आहेत. शासनाकडून प्राध्यापकांना एप्रिलमध्ये दिल्या जाणाऱ्या वेतनातून एक दिवसाचे वेतन वजा करून घेण्यात यावे असे संघटनेचे पत्रात नमूद केले आहे.

Corona Virus : प्रत्येक डाँक्टरांना मिळणार पीपीई किट