पुणे : कोरेगाव भीमा येथे एक जानेवारी आयोजित विजयस्तंभ अभिवादन सोहळ्याच्या पार्श्वभूमीवर नागरिकांची सुरक्षितता आणि कायदा व सुव्यवस्थेच्या दृष्टीने शहर पोलिस आयुक्तालयाच्या हद्दीत ३१ डिसेंबरच्या मध्यरात्रीपासून २ जानेवारीच्या मध्यरात्रीपर्यंत कलम १४४ अनुसार प्रतिबंधात्मक आदेश लागू करण्यात आले आहेत. कोणतीही व्यक्ती इंस्टाग्राम, व्हॉट्सॲप, ट्विटर, फेसबुक अशा समाजमाध्यमांद्वारे अफवा, जातीय द्वेष पसरविणारे खोटे संदेश, खोटी माहिती पोस्ट करणार नाहीत.(article 144)

तसेच फॉरवर्ड करणार नाहीत, याची जबाबदारी संबंधित व्यक्ती आणि ग्रुप ॲडमिनची असेल. शहर आयुक्तालयामधील गावांमध्ये स्थानिक प्रशासन आणि पोलिसांच्या लेखी परवानगीशिवाय सार्वजनिक ठिकाणी बॅनर, फ्लेक्स, होर्डिंग लावण्यास प्रतिबंध राहील. यात सरकारी विभाग आणि यंत्रणांना सवलत राहील. या आदेशाचे उल्लंघन करणारी व्यक्ती भारतीय दंड विधान संहिता कलम १८८ प्रमाणे शिक्षेस पात्र राहील, असे पोलिस सह आयुक्त डॉ. रवींद्र शिसवे यांनी आदेशात नमूद केले आहे.(Pune news)