कॅन्टोन्मेंट : बांग्लादेश येथील अल्पसंख्याक (हिंदू) बांधवांवर झालेल्या हल्ल्याच्या निषेधार्थ अखिल लोहियानगर मुस्लीम समाज कृती समिती कडून लोहियनगर येथे मेणबत्ती पेटवून श्रद्धांजली व शोकसंवेधना कार्यक्रमाचे आयोजन करण्यात आले. या कार्यक्रमाचे आयोजन साजिद दिल्लीवाला ,अस्लम पठाण ,शेख रफिक ,साजिद शेख आदि सामाजिक कार्यकर्त्यांनी केले होते. अखिल लोहियानगर मुस्लीम समाज कृती समिती कडून समाजामध्ये सलोख्याचे वातावरण निर्माण व्हावे म्हणून विशेष प्रयत्न केले जातात.

लॉकडाऊन काळात धान्य वाटप ,रुग्णांना मदत ,सर्व धर्मातील मृत व्यक्तीवर अंत्य संस्कार ,शालेय साहित्य वाटप आदि विविध समाज उपयोगी कार्यक्रमाचे आयोजन या समितीकडून केले जाते. अशी माहिती अखिल लोहियानगर मुस्लीम समाज कृती समिती चे समन्वयक अब्दुल रौक शेख यांनी दिली.