पुणे : पुणे जिल्ह्यात बुधवारी (ता.१२) दिवसभरात २ हजार ९९७ नवे कोरोना रुग्ण (Corona Patients) आढळून आले आहेत. यामध्ये पुणे शहरातील सर्वांधिक १ हजार ५८४ जणांचा समावेश आहे. दरम्यान, दिवसभरात ६७ रुग्णांचा मृत्यू झाला आहे. 

पुणे शहरातील सर्वाधिक रुग्णांपाठोपाठ  पिंपरी-चिंचवडमध्ये १ हजार २४,  जिल्हा परिषदेच्या कार्यक्षेत्रात २४५, नगरपालिका क्षेत्रात ६६ आणि कॅंटोन्मेंट बोर्डाच्या कार्यक्षेत्रात ७८ नवे रुग्ण सापडले आहेत. यामुळे जिल्ह्यातील आतापर्यंतच्या एकूण रुग्णांची संख्या आता १ लाख १५ हजार १२८ झाली आहे. यापैकी ८६ हजार ८१७ रुग्ण उपचारानंतर पूर्णपणे बरे झाले आहेत. यामध्ये आजच्या दिवसभरातील २ हजार १७२ रुग्णांचा समावेश आहे.

- पुण्यातील जम्बो हॉस्पिटलचं काम युद्धपातळीवर सुरू; आठवडाभरात रुग्णांच्या सेवेत!​

कोरोनाचे नवे रुग्ण आणि रुग्णांच्या मृत्यूंची संख्या ही मंगळवारी (ता. ११) रात्री ९ वाजल्यापासून बुधवारी (ता. १२) रात्री नऊ वाजेपर्यंतची आहे. बुधवारी मृत्यू झालेल्यांमध्ये पुणे शहरातील सर्वाधिक २८ जण आहेत. पिंपरी-चिंचवडमधील १५, जिल्हा परिषद कार्यक्षेत्रातील ९, नगरपालिका कार्यक्षेत्रातील ११ आणि कॅंंटोन्मेंट बोर्डाच्या कार्यक्षेत्रातील चार रुग्णांचा समावेश आहे.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)