पुण्यातल्या दोन ठिकाणी झालेल्या बिबट्याच्या हल्ल्यांमध्ये दोन महिलांसह तीन व्यक्ती जखमी झाल्या आहेत. पुणे जिल्ह्यातल्या खेड आणि आंबेगाव तालुक्यात मंगळवारी रात्री आणि गुरुवारी सकाळी बिबट्याच्या हल्ल्यात या घटना घडल्या आहेत. यापैकी एका महिलेची प्रकृती गंभीर आहे.
वनविभागाच्या अधिकाऱ्यांनी दिलेल्या माहितीनुसार, विविध ठिकाणी झालेल्या या हल्ल्यानंतर वनविभागाच्या जवानांनी तात्काळ प्रतिसाद दिला असून आमचे गट हे परिस्थिती जाणून घेण्यासाठी घटनास्थळी पोहोचले आहे. या गावांच्या आजूबाजूला असलेल्या गावांना सतर्कतेचा इशारा देण्यात आला आहे.
पुणे जिल्ह्यातल्या जुन्नर विभागातल्या अधिकाऱ्यांनी दिलेल्या माहितीनुसार, खेड तालुक्यातल्या रेतवाडी गावातल्या दोन महिलांवर बिबट्याने हल्ला केला. हे दोन्ही हल्ले साधारण दीड किलोमीटर अंतरावर झाले आहेत. रेतवाडीमधल्या या महिलांची नावे अरुणा भालेकर आणि रिझवाना अब्दुल पठाण अशी आहेत. भालेकर यांना या हल्ल्यात गंभीर दुखापत झाली आहे. त्यांच्यावर ससून रुग्णालयात उपचार सुरू आहेत.
आंबेगाव तालुक्यातल्या थोरांडले गावातल्या एका १७ वर्षीय मुलावरही बिबट्याने हल्ला केला. पिकाला पाणी द्यायला गेला असताना त्याच्यावर हा हल्ला झाला असून यात त्याच्या चेहऱ्याला दुखापत झाली आहे. जुन्नर वनविभागाच्या हद्दीत गेल्या २० वर्षांपासून अनेकदा मानव-पशू संघर्षाच्या घटना घडलेल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.