मुख्य शहरासह शिवाजीनगर आणि पाषाण परिसरात दुपारी चारच्या दरम्यान मुसळधार पावसाने हजेरी लावली.
पुणे - सकाळपासूनच शहरात ऊन सावलीचा खेळ चालू होता. त्यामुळे वाढलेल्या तापमानाचा परिणाम वातावरणातील उकाड्यावरही झाला. मात्र, दुपारी चारनंतर या उकाड्यातून पुणेकरांची सुटका होत. एका तासातच शहरात तब्बल ४५ मिलिमीटर पावसाची नोंद झाली.
मुख्य शहरासह शिवाजीनगर आणि पाषाण परिसरात दुपारी चारच्या दरम्यान मुसळधार पावसाने हजेरी लावली. एका तासांत पडलेल्या मुसळधार पावसाने नागरिकांची अक्षरशः तारांबळ उडाली होती. रस्त्यावर वाहणाऱ्या पाण्यामुळे चालकांना वाहणे चालविणे कठीण झाले होते. शहरात इतरही उपनगरांत याच काळात हलक्या ते मध्यम स्वरूपाच्या पावसाने हजेरी लावली होती. राज्यात सध्या मॉन्सून सक्रिय असून, पुढील काही दिवसांत त्याला ब्रेक लागण्याची शक्यता आहे. वाढलेल्या तापमानामुळे पावसाला ब्रेक लागत, मुसळधार पावसाची शक्यता कमी झाली आहे. पुण्यासह संपूर्ण मध्य महाराष्ट्रातच पुढील काही दिवस आकाश अंशतः ढगाळ आणि तुरळक ठिकाणी हलक्या स्वरूपाचा पाऊस पडेल असा अंदाज हवामान खात्याने वर्तविला आहे. या काळात मध्य महाराष्ट्र आणि मराठवाड्यात सरासरी कमाल तापमान ३० अंश सेल्सिअसपेक्षा जास्त राहील.
शहरातील पाऊस, सकाळी ८-३० ते संध्या. ६ वाजेपर्यंत (मिमी) -
शिवाजीनगर - ४५.६
पाषाण - ४५.६
लवळे - ०.६
लोहगाव आणि चिंचवड - ००
मगरपट्टा - १.५
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.