Pune Accident : पुण्यामध्ये आणखी एका कार अपघातामध्ये दुचाकीस्वाराचा मृत्यू झाला आहे. एका मर्सिडीज कारखाली चिरडून दुचाकीस्वार मृत झाला आहे

कल्याणी नगर अपघाताचं प्रकरण ताजं आहे. उद्योगपतीच्या अल्पवयीन मुलाने दोन तरुण अभियंत्यांना पोर्शे कारने चिरडलं होतं. त्यानंतर राज्यभरात खळबळ उडाली होती. मुलाला वाचवण्यासाठी पैसेवाल्या बापाने काय काय कारनामे केले, ते सगळे उघडे पडले.

असाच एक अपघात येरवडा पोलिस ठाण्याच्या हद्दीमध्ये घडला आहे. दुचाकीवर असलेल्या डिलिव्हरी बॉयला अलिशान मर्सिडीज कारने उडवले. त्यातच दुचाकीस्वाराच मृत्यू झाला आहे.

अपघातग्रस्त गाडी सध्या पोलिस ठाण्यामध्ये लावण्यात आलेली आहे. विशेष म्हणजे या गाडीच्या शेजारीच कल्याणी नगर अपघातातील पोर्शे कार उभी आहे. श्रीमंती डोक्यात भरलेल्या धेंडांकडून आणखी किती गरीबांचे बळी जाणार? असा प्रश्न उपस्थित होतोय.