Vishrantwadi: आज सकाळी साडेआठ वाजण्याच्या सुमारास येरवडा येथील कल्याणीनगर भागातील मेरी गोल्ड सोसायटीसमोर कार आणि सायकल यांच्या झालेल्या धडकेत शाळेला सायकलवरून जाणारा मुलगा शाश्वत राम बोगाडे (वय 15 वर्षे, राहणार - कुमार कृती सोसायटी, कल्याणनगर) गंभीर जखमी झाला. त्याला जवळच्या खाजगी हॉस्पिटलमध्ये दाखल करण्यात आले. मात्र उपचारापूर्वीच त्याचा मृत्यू झाला.

हुंडाई मोटरकारचालक रविकांत रामदिन गौर( वय 37 वर्षे, राहणार - रोहन निगम अपार्टमेंट, विमाननगर) यास ताब्यात घेण्यात आल्याची माहिती येरवडा पोलीस ठाण्याचे वरिष्ठ पोलीस निरीक्षक रवींद्र शेळके यांनी दिली. वैद्यकीय तपासणीत मद्यप्राशन केलेले नाही, असा अहवाल प्राप्त झालेला आहे. घटनास्थळावरील सीसीटीव्ही फुटेज चेक करण्यात आलेले असून अधिक तपास चालू असल्याचे पोलिसांनी सांगितले.