वरवंड : येथील कासव शिकार प्रकरणाची पुणे प्रादेशिक वनविभागाचे उपवनसंरक्षक राहुल पाटील यांनी गंभीर दखल घेत वनअधिकाऱयांना सखोल तपासाचे आदेश दिले.या पाश्वभुमीवर सहायक वनउपसंरक्षक दिपक पवार व तालुका वनपरिक्षेत्र अधिकारी कल्याणी खेंडके यांनी आरोपींच्या मुसक्या आवळण्यास सुरुवात केली.वनविभागाने सायंकाळी आणखी दोन जणांना अटक केली.शंकर सावंत व भिमराव सावंत रा.वरवंड ता.दौंड जि.पुणे अशी आरोपींची नावे आहे.कासव शिकार प्रकरणी आता एकुण चार आरोपींची संख्या झाली. न्यायालयाने आरोपींना सात दिवसांची वनकोठडी सुनावली.

दौंड तालुक्यातील वरवंड येथील कानिफनाथ नगर भागात एका ठिकाणी काही जणांनी खाण्याच्या उद्देशाने कासवाला चुलीवर भाजुन कापल्याचा धक्कादायक प्रकार घडला.या घटनेची माहीती मिळताच वनपरिमंडल अधिकारी शितल खेंडके व वनरक्षक शितल मेरगळ यांनी वनकर्मचाऱयांसह संबधीत ठिकाणी छापा टाकुन आरोपींना रंगेहात पकडले.सदर आरोपींना दौंड न्यायालयात हजर केले असता.त्यांना सात दिवसांची वनकोठडी सुनावण्यात आली.

मात्र,घटनेचे गांर्भीय लक्षात घेवुन पुणे प्रादेशिक वनविभागाचे उपवनसंवरक्षक राहुल पाटील यांनी लक्ष घालत कासव शिकार प्रकरणा विषयी आपली भुमिका स्पष्ट करीत वनअधिकाऱयांना सखोल तपासाचे आदेश दिले.या पाश्वभुमीवर सहायक उपवनसंरक्षक दिपक पवार हे घटनेच्या तपासकामी दोन दिवस दौंड वनपरिक्षेत्र कार्यालयात ठाण मांडुन आहेत.वनअधिकाऱयांनी त्यांच्या खास शैलीत आरोपी नाना सावंत व दादा सावंत यांच्याकडे चौकशी केली असता. आणखीन दोन आरोपींची नावे समोर आली.शंकर सावंत याने कासवाला जाळ्यात पकडले तर भिमराव सावंत याने आरोपींना पुरवल्याचे समोर आले.

वनपरिक्षेत्र अधिकारी कल्याणी गोडसे व वनपरिमंडल अधिकारी शितल खेंडके,शितल मेरगळ आदी वनपथकाने वरवंड येथील संबधीत आरोपींना ताब्यात घेतले.दौंड न्यायालयात हजर केले असता दोन्ही आरोपींना सात दिवसांची वनकोठडी सुनावण्यात आली.अशी माहीती सहायक वनउपसंरक्षक दिपक पवार यांनी दिली. दरम्यान,कासव शिकार प्रकरणातील चारही आरोपींना सात दिवसांची वनकोठडी मिळाली असुन चौकशीत आणखीन माहीती समोर येण्याची शक्यता वनअधिकाऱयांनी व्यक्त केली.