पुणे - खराडी आणि पाषाण परिसरात झालेल्या दोन घरफोडीच्या घटनांमध्ये चोरट्यांनी सुमारे चार लाख रुपयांचा ऐवज चोरी केला. चंदननगर आणि चतु:शृंगी पोलिस ठाण्याच्या हद्दीत या घटना घडल्या.

याबाबत रणजित देवीसिंग ठाकूर (रा. थिटे वस्ती, खराडी) यांनी फिर्याद दिली आहे. चोरट्यांनी त्यांच्या घराचा सेफ्टी आणि मुख्य दरवाजाचे कुलूप तोडून आत प्रवेश केला. बेडरूममधील कपाटातून ९८ ग्रॅमचे सोन्याचे दागिने, चांदीचे दागिने आणि ५२ हजारांची रोकड असा तीन लाख ४२ हजार रुपयांचा ऐवज चोरी केला.

ही घटना २१ ऑगस्ट रोजी मध्यरात्री अडीच वाजण्याच्या सुमारास घडली. याबाबत चंदननगर पोलिस ठाण्यात गुन्हा दाखल केला आहे. तर पाषाण गाव येथील बाळू शंकर शेळके यांच्या घरातून चोरट्यांनी ७० हजारांची रोकड चोरून नेली.

ही घटना २० ऑगस्टच्या मध्यरात्री घडली. याबाबत चतु:शृंगी पोलिस ठाण्यात अज्ञात चोरट्यांविरुद्ध गुन्हा दाखल करण्यात आला आहे.