पुणे, ता. १९ ः राज्यभरातील सुलेखनकारांचे पाचवे राज्यस्तरीय अक्षर संमेलन येत्या शुक्रवार (ता. २२) ते रविवार (ता. २४) या कालावधीत पंढरपुरात होणार आहे. स्वेरीज कॉलेज ऑफ इंजिनअरिंग येथे तीन दिवस हा सुलेखनकारांचा मेळा भरणार आहे.
‘माझी शाळा माझा फळा’ समूह आणि स्वेरीज कॉलेज ऑफ इंजिनअरिंग, पंढरपूर यांच्या संयुक्त विद्यमाने या संमेलनाचे आयोजन करण्यात आले असल्याची माहिती नरेंद्र महाडिक, शुभम गायकवाड, अमित भोरकडे आणि प्रमोद पाटील यांनी दिली. संमेलनात कागदावरील सुलेखन, रांगोळीतील हस्ताक्षर, कापडावरील सुलेखन अशा सर्व प्रकारातील कलाकार सहभागी होणार आहेत. भारतीय अक्षर सुलेखन कलेला जागतिक पातळीवर स्थान मिळवून देण्याच्या दृष्टीने या संमेलनात विचारमंथन केले जाईल, असे संयोजकांनी सांगितले.