Pune crime news: पुण्यात चालत्या स्कूल व्हॅनमध्ये चालकाने दोन अल्पवयीन मुलींवर लैंगिक अत्याचार केल्याची घटना घडली आहे. शहरातील वानवडी परिसरात हा धकादायक प्रकार उघडीस आला आहे.

वंचित बहुजन आघाडीच्या कार्यकर्त्यांनी या प्रकरणातल्या आरोपीची स्कूल व्हॅन फोडली आहे. आरोपी समोर आला तर असाच धडा शिकवू, असा इशारा कार्यकर्त्यांनी दिला. वानवडी पोलिसांनी घटनास्थळी धाव घेत कार्यकर्त्यांनी ताब्यात घेतलं आहे.

मागच्या महिन्यात बदलापूर येथील एका शाळेत दोन अल्पवयीन मुलींवर लैंगिक अत्याचाराची घटना घडली होती. त्यानंतर बदलापूरमध्ये आगडोंब उसळला होता. या प्रकरणातल्या आरोपीचा पोलिसांनी एन्काऊंटर केला आहे. हे प्रकरण ताजे असतानाच आता पुण्यामध्ये अशीच घटना घडली आहे.

पुण्याच्या घटनेतील आरोपी हा एका नामांकित शाळेतील विद्यार्थ्यांना व्हॅनमधून शाळेत सोडण्याचे काम करत होता. आरोपीच्या व्हॅनमध्ये दोन्ही पीडित मुलींना तो पुढच्या सीटवर बसवत असे. दोन्ही मुलींना जवळ बसवून त्यांच्यासोबत अश्लील चाळे करत होता. या विषयाची वाच्यता कुठे केली तर धमकीसुद्धा देत असल्याची माहिती समोर आली आहे.

याप्रकरणी प्रकरणी 45 वर्षीय स्कूल व्हॅन चालकावर वानवडी पोलीस स्थानकात गुन्हा दाखल करण्यात आला आहे. तो सहा वर्षांच्या चिमुरडीसह तिच्या मैत्रिणीवर गेल्या चार दिवसांपासून चालत्या गाडीत लैंगिक अत्याचार करत होता, अशी प्राथमिक माहिती आहे.

पीडित अल्पवयीन मुलगी जेव्हा घरी आली तेव्हा तिने तिच्या प्रायव्हेट ठिकाणी वेदना होत असल्याचं सांगितलं. त्यानंतर मुलीच्या आईने याची विचारपूस केल्यानंतर आरोपीने केलेलं कृत्य अल्पवयीन मुलीने आईला सांगितलं. यानंतर हा सगळा धक्कादायक प्रकार समोर आला.