पिंपरी : शहरात कोरोनाच्या दुसऱ्या लाटेने कहर केला आहे. गतवर्षी एप्रिल महिन्यात केवळ चार जण दगावले होते. यंदा मात्र एप्रिलमधील अवघ्या १४ दिवसांतच ३४२ दगावले आहेत. दररोजचे सरासरी प्रमाण २० आहे. पिंपळे गुरव, चिखली, रावेत, चिंचवड, वाकड, भोसरी, पिंपरी येथील सर्वाधिक मृत्यू आहेत. बेशिस्तिमुळे रुग्णसंख्या वाढत आहे. परिणामी खाट मिळणे व त्यातल्या त्यात आयसीयू कक्षात उपचार मिळण्यात मोठ्या अडचणी येत आहेत. याच कारणामुळे कमी वयाच्या रुग्णाचे देखील दगावत आहेत. वेळेत उपचार आणि आयसीयू बेड मिळाला तर हे प्रमाण कमी होऊ शकते. पण पॉझिटिव्ह रुग्णांची संख्या झपाट्याने वाढत असून मृतांचा आकडाही उच्चांक गाठताना दिसत आहे. गेल्या आठवड्यापासून रुग्ण वाढल्याने चिंता व्यक्त होत आहे.

गेल्यावर्षी पहिला बळी १२ एप्रिलला गेला. त्याला एक वर्ष पूर्ण झाले आहे. एकूण बळींचा विचार करता १२ एप्रिल २०२० ते एक मार्च २०२१ या ११ महिन्यांत १ हजार ६३७ बळी गेल्याची नोंद आहे. मात्र नंतरच्या अवघ्या ४० दिवसांतच १४९ जणांचे मृत्यू झाले. गेल्यावर्षी दिवसाला सरासरी ४१ संशयित रुग्ण आढळत होते. आता हाआकडा हा अडीच ते तीन हजार झाला आहे. त्यातही हा एप्रिल महिना फारच वाईट ठरला. १४ तारखेला ९ हजार ७५३ रुग्ण दाखल आहेत. १३ आणि १४ तारखेला एकून ८६ मृत्यूची नोंद झाली.

एप्रिल २०२०

तारीख- संशयित रूग्ण - मृत्यू संख्या

१. ४१-०

२. ४०-०

३. ४९-०

४. २६-६

५. ८८-०

६. १९-०

७. ३२- ०

८. २६-०

९. ४०-०

१०. ७४-०

११. ५६-०

१२. ६५-१

१३. ५९-०

१४. ७१-०

एप्रिल २०२१

तारीख- संशयित रूग्ण - मृत्यू संख्या

१. २११३-१७

२.२४६३-१९

३. २८३२-१७

४. ३३८२-१८

५. २१५२-१६

६. २९०४-१७

७. २७८४-१६

८. २३५१-२१

९. २००९-२३

१०. २२३९-२८

११. २४०९-३०

१२. २१८८-३४

१३. १८३८-४१

१४. १५१७ -४५