Vagholi: किरकोळ शाब्दिक चकमक झाल्यानंतर तिघांनी एका तरुणावर धारदार शस्त्राने हल्ला केला. ही घटना रविवारी (दि .२८ ) दहा वाजण्याच्या सुमारास वाघोलीतील बकोरी फाट्यावरील जय महाराष्ट्र खाऊ गल्लीत घडली. या हल्यात तो गंभीर जखमी झाला.

प्रमोद बाळु देशमुख ( वय २८, रा खांदवेनगर, वाघोली ) असे जखमी झालेल्या तरुणाचे नाव आहे. तर संतोष जाधव ( वय २० वर्ष, पूर्ण नाव पत्ता माहित नाही ) व इतर तीन जणांवर मारहाणीचा गुन्हा दाखल करण्यात आला आहे.

पोलिसांनी दिलेल्या माहितीनुसार, प्रमोद व संतोष यांच्यात झालेल्या शाब्दिक कारणावरून चिडून जाऊन संतोष यांने इतर तीन साथीदार यांच्या मदतीने तेथील रसवंती समोर धारदार शस्त्राने प्रमोद याच्या डोक्यावर मागील बाजूस, उजव्या कानाच्या वर, पाठीवर तीन ठिकाणी, डाव्या हाताच्या दंडावर, कोपऱ्यावर मारहाण करून गंभीर जखमी केले.