Pune Crime : वानवडीतील लुल्लानगर भागात लष्कराच्या मोकळ्या जागेत झालेल्या तरुणाच्या खुनाचा छडा लावण्यात गुन्हे शाखा युनिट पाचच्या पथकाला यश आले आहे. बहिणीला तिचा नवरा त्रास देत असल्याच्या कारणातून मेहुण्याने दाजीचा खून केल्याचे तपासात पुढे आले आहे.

माविया लियाकत हुसेन पठाण (वय २३, रा. अश्रफनगर, कोंढवा) असे खून झालेल्या तरुणाचे नाव आहे. तो एका कंपनीत डिलिव्हरी बॉय म्हणून काम करत होता. सोमवारी (ता. २४) रात्री अकराच्या सुमारास ही घटना उघडकीस आली होती.

याप्रकरणी, गुन्हे शाखेने अरविंद अमृत कांबळे (वय २६, रा. गुलटेकडी), रोहीत हनुमंत पुटगे (वय १९, रा. गोकुळनगर, कात्रज) या दोघांना अटक केली आहे. कांबळे हा यातील मुख्य सूत्रधार आहे. कांबळे जीम ट्रेनर असून, त्याच्यावर बिबवेवाडी, मार्केट यार्ड आणि वाकड पोलिस ठाण्यात तीन गुन्हे दाखल आहेत.