पुणे शहरात गुन्हेगारीच्या घटनांमध्ये सातत्याने वाढ होत असल्याचं चित्र आहे. पुण्यातील उच्चभ्रू परिसर म्हणून ओळख असणाऱ्या औंध परिसरात चोरीची घटना समोर आली आहे. घरात कोणीही नसल्याची संधी साधत चोरटे घरात घुसले आणि तब्बल 66 लाख रुपयांचा ऐवज लुटला आहे. या चोरी प्रकरणी 55 वर्षीय व्यक्तीने चतु:श्रुंगी पोलिसांत तक्रार दाखल केली असून पोलिसांनी तपास सुरु केला आहे.

चोरी झालेल्या ऐवजामध्ये पाच लाख रुपयांचे परकीय चलन त्याचबरोबर हिरे आणि सोन्याचे दागिन्यांचा समावेश आहे. जेवणासाठी बाहेर गेले आणि चोरट्यांनी घरच साफ केले आहे. पोलिसांनी दिलेल्या माहितीनुसार, तक्रारदार यांची पिंपरी-चिंचवड परिसरात पॅकिंग करणारी कंपनी आहे. औंध येथील सिंध हौसिंग सोसायटी मध्ये त्यांचा बंगला आहे.

तर रविवारी ते दुपारी दिडच्या सुमारास ते कुटूंबासाबोत जेवण्यासाठी गेले होते. यादरम्यान चोरट्यांनी पाठिमागील दरवाजाने घरात शिरून परकीय चलन व डायमंड आणि सोन्याचे दागिने असा एकूण ६६ लाख ४२ हजारांचा ऐवज चोरून नेला आहे. ४ वाजता ते परतले तेव्हा त्यावेळी त्यांना दरवाजा उघडलेला असते, घरातील साहित्य व कपाटातील वस्तू अस्ताव्यस्त पडल्याचे दिसून आले. त्यांनी तात्काळ पोलिसांना या घटनेची माहिती दिली आहे. या भागातील सी सी टिव्ही द्वारे चतु:शृंगी पोलिस आरोपींचा शोध घेत आहेत.