Pune Crime: पुण्यातून एक धक्कादायक घटना समोर येत आहे. पुण्यातील खडकी भागात हा धक्कादायक प्रकार समोर आला आहे. बायकोच्या माहेरच्या जाचाला कंटाळून पतीने राहत्या घरी गळफास घेऊन आत्महत्या केल्याचा धक्कादायक प्रकार उघडकीस आला आहे. गेल्या ४ वर्षांपासून पत्नी आणि तिच्या माहेरचे लोक समीरला त्रास देत असल्याचे बोलले जाते. आत्महत्या केलेल्या व्यक्तीचे नाव समीर नाईक असून वय वर्षे ३८ आहे.

या प्रकरणी मृत समीरचे वडील निवृत्ती नाईक यांनी पोलिसात तक्रार दाखल केली आहे. पोलिसांनी दिलेल्या माहितीनुसार, समीर नाईक यांचे उषा नावाच्या महिलेशी विवाह झाला होता. त्यांना १२ वर्षाची मुलगी देखील आहे. मात्र गेल्या ४ वर्षांपासून उषा आणि तिच्या माहेरचे लोक समीरला वारंवार पैश्यांची मागणी करायचे आणि त्यावरून त्यांच्या मध्ये अनेक वेळा वाद देखील झाले होते.

हेही वाचा- Gautami Patil Lavani: गौतमीची लावणी कुठे चुकतेय?

काही रक्कम दिल्यानंतर सुद्धा उषा आणि तिच्या नातेवाईकांनी समीरला वारंवार आणखी पैश्याची मागणी केली. या गोष्टीचा मानसिक त्रास समीरला होऊ लागला आणि त्याने राहत्या घरी गळफास घेऊन आत्महत्या केली. समीर यांच्या पत्नी उषा नाईक यासह सासरची मंडळी सरसाबाई पंढरकर, रामचंद्र पंढरकर, मालसिंग आढाव यांच्यावर खडकी पोलीस ठाण्यात गुन्हा दाखल करण्यात आला आहे. पोलीस पुढील तपास करत आहेत.