पुण्यामध्ये मेट्रो सुरू होण्याआधीच मेट्रोच्या साहित्याची चोरी झाल्याची घटना घडली आहे. अज्ञात चोरट्याने एक लाखांचं साहित्य चोरुन नेलं आहे. या प्रकरणी कोरेगाव पार्क पोलीस ठाण्यात गुन्हा दाखल कऱण्यात आला आहे.

पुण्यातल्या बंडगार्डन मेट्रो स्टेशन परिसरातून मेट्रो साहित्याची चोरी झाली आहे. या परिसरात रस्त्याच्या कडेला एक लोखंडी कंटेनर होता. या कंटेनरमधून अज्ञात चोरट्याने एकलाख ४२ रुपये किमतीचं साहित्य चोरून नेलं आहे. याप्रकरणी अगमपाल सुरजित सिंग धूपर यांनी तक्रार दिली आहे.

या चोरी प्रकरणी कोरेगाव पार्क पोलीस ठाण्यात गुन्हा दाखल करण्यात आला आहे. मिळालेल्या माहितीनुसार, बंडगार्डन मेट्रो स्टेशन या ठिकाणी रस्त्याच्या कडेला एक कंटेनर उभा करण्यात आला होता. चोरट्यांनी लोखंडी कंटेनर स्टोअरचे लॉक तोडून दहा इलेक्ट्रिक वायरचे बंडल, एक वेल्डिंग मशीन, तांब्याचे १६ लाइटनिंग अरेस्टर, दोन बटरफ्लाय, तांब्याचे पाईप्स, कटर मशीन, ड्रिल मशीन असा एकूण एक लाख ४२ हजार रुपयांचा मुद्देमाल चोरला