गुळूंचे : नीरा (ता.पुरंदर)नजीक पिंपरे खुर्द येथील हरीश्चंद्र बजरंग थोपटे (वय 42 वर्षे ) यांचा शुक्रवार (ता.२१)रोजी रात्री अज्ञाताने व्यक्तीने खुन केल्याची घटना घडली होती. याबाबत जेजुरी पोलीस ठाण्यात गुन्हा नोंद करण्यात आला असून या प्रकरणाचा तपास करताना पोलिसांना धागेदोरे मिळाले असून जेजुरी पोलिसांनी एक महिला व इतर ९ जणांना संशयित म्हणून ताब्यात घेतले आहे.

सतिश बजरंग थोपटे यांनी या घटनेची पोलीसांत फिर्याद दिली होती. पोलिसांनी दिलेल्या माहितीनुसार, हरीश्चंद्र बजरंग थोपटे (वय 42 वर्षे ) हे पिंपरे खुर्द येथील बेंदवस्तीकडे जाणाऱ्या रस्त्यावर पडले होते. त्यांच्या चेह-यावर, कपाळावर, हनुवटीवर, गळ्यावर धारदार शस्त्राच्या जखमा होत्या.

अज्ञाताने अज्ञात कारणासाठी वार करून त्यांचा खुन केला असल्याचा अंदाज पोलिसांनी बांधला होता. मयत थोपटे हे ज्युबिलंट कंपनीत गेल्या 20 वर्षापासुन हमालीचे काम करत होते. घटनेची माहिती मिळताच पोलीस घटनास्थळावर दाखल झाले. त्यांनतर पोलीसांनी प्रेत ताब्यात घेवुन जेजुरी ग्रामीण रुग्णालय येथे नेले. तेथे मयताचे शवविच्छेदन केलेनंतर प्रेत अत्यंविधीकामी नातेवाईकांच्या ताब्यात देणेत आले होते.