Mulshi Dam Level Update : मुळशी धरण परिसरात गेल्‍या तीन दिवसांपासून पावसाने पुन्‍हा जोर धरला आहे. पावसाच्‍या जोरदार सरी कोसळत आहेत. सतत सुरु असलेल्‍या जोरदार पावसामुळे मुळशी धरणाच्या पाणीसाठ्यात वेगाने वाढ होत आहे.
ताम्हिणी येथे गेल्‍या चोवीस तासांत ३५० मि.मी. पावसाची नोंद झाली आहे. मुळशी धरणात जूनच्या अखेरीस जेमतेम ५ टक्‍के असलेला साठा सुमारे ४० टक्‍के झाला आहे. मुळशी धरणातील उपयुक्‍त पाणी साठा अत्‍यंत कमी झाला होता.
पाऊस पडत होता, परंतु जोर नव्‍हता. दावडी, ताम्हिणी, पिंपरी, आंबवणे, कुंभेरी, पोमगाव, नांदिवली, शेडाणी, मुळशी, वळणे परिसरात जोरदार पाऊस झाला. गेल्‍या तीन-चार दिवसांपासून पावसाने जोर धरल्‍यामुळे मोठ्या प्रमाणात पाणी जमा होत आहे. डोंगरांवरून येणाऱ्या पाण्‍याने ओढे, नाले,
धबधबे प्रवाहित होऊन वाहण्‍यास सुरवात झाली आहे. त्‍यांनतर पाणीसाठ्यात वाढ होऊन साठा वाढला आहे. मागील तीन दिवसांत मुसळधार पाऊस पडत आहे. भातशेतीसाठी अत्‍यंत गरजेचा असलेला पाणी साचेल असा पाऊस होत असल्‍याने शेतकऱ्यांमध्‍ये समाधानाचे वातावरण आहे.
मुळशी धरण परिसरात शनिवारी सकाळी नोंदलेला गेल्‍या चोवीस तासांतील पाऊस मिलीमीटरमध्‍ये (कंसात या हंगामातील एकूण पाऊस) पुढीलप्रमाणे- ताम्हिणी ३५० (२७३३), दावडी ३२० (२७०६), आंबवणे २८० (२४४०), शिरगाव २३० (२३१४ ), मुळशी ८५ (१११२ ), माले ८२ (१०२८ ).
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.