पारगाव : धामणी आंबेगाव येथील जिल्हा परिषद प्राथमिक केंद्र शाळेत टीव्हीएस कंपनी च्या सीएसआर फंडातून शाळेच्या विकास कामासाठी भरीव योगदान दिल्याबद्दल शाळेतील प्रत्येक विद्यार्थ्यांने स्वतःच्या हस्ताक्षरात लिहिलेल्या आभार पत्रांचा “ पत्रास कारण की ” हा अल्बम ज्ञानज्योती शिक्षण व आरोग्य संस्थेच्या अध्यक्षा सुनीता ज्ञानेश्वर विधाटे यांच्या हस्ते टीव्हीएस चे अधिकारी योगेश पाटील यांच्याकडे प्रदान करण्यात आला.

कार्यक्रमाच्या अध्यक्षस्थानी सुनीता विधाटे या होत्या याप्रसंगी माजी पंचायत समिती सदस्य रवींद्र करंजखेले, पत्रकार विठ्ठल जाधव, पोस्ट ऑफिसर योगेश सांगडे, शिवाजी विद्यालयाचे प्राचार्य डी. आर. गायकवाड, वसंत जाधव, शिक्षण विस्तार अधिकारी काळुराम भवारी, सरपंच रेश्मा बोऱ्हाडे, उपसरपंच संतोष करंजखेले

, डॉ. मंगेश सोनवणे,माजी सरपंच सागर जाधव, शाळा व्यवस्थापन समिती अध्यक्ष महेश कदम, ग्रामपंचायत सदस्य अक्षय विधाटे, उद्योजक संदीप बोऱ्हाडे, शांताराम रोडे ,टीव्हीएस चे सोमनाथ काटकर, संगीता वाळुंज,महीपत बढेकर, अशोक करंजखेले, संदीप गाढवे, दत्ता रोडे, दत्ता चौरे, दिपक विधाटे, मुख्याधपिका अनुराधा कथले- ढुमणे, सर्व शिक्षक, पालक विद्यार्थी उपस्थित होते.

यावेळी इयत्ता चौथी चा शुभचिंतन सोहळा (निरोप समारंभ ) झाला यावेळी काही विद्यार्थिनींनी मनोगत व्यक्त करताना उपस्थितांचे डोळे पाणावले यावेळी शिक्षिकांनाहि गहिवरून आले. तसेच नुकत्याच झालेल्या सांस्कृतिक कार्यक्रमात सहभाग घेणाऱ्या सर्व विद्यार्थांचा भेट वस्तु देऊन सत्कार करण्यात आला यानंतर सर्व विद्यार्थ्यांसाठी गोड जेवण देण्यात आले.