पुणे : पुणे जिल्ह्यात शनिवारी (ता.८) २ हजार ६३९ नवे कोरोना सापडले आहेत. यामध्ये पुणे शहरातील १ हजार २९० जणांचा समावेश आहे. दरम्यान, शनिवारी ७० रुग्णांचा मृत्यू झाला आहे. मृत्यूंच्या आकड्याचा आजपर्यंतचा उच्चांक नोंदला गेला आहे.
पुणे शहरातील सर्वाधिक रुग्णांपाठोपाठ शनिवारी पिंपरी-चिंचवडमध्ये ९८७, जिल्हा परिषदेच्या कार्यक्षेत्रात २२०, नगरपालिका क्षेत्रात ६० आणि कॅंटोन्मेंट बोर्डाच्या कार्यक्षेत्रात ८२ नवे रुग्ण आढळून आले आहेत.
दरम्यान, शनिवारी दिवसभरात ७० रुग्णांचा मृत्यू झाला आहे. कोरोनाचे नवे रुग्ण आणि रुग्णांच्या मृत्यूंची संख्या ही शुक्रवारी (ता.७) रात्री ९ वाजल्यापासून शनिवारी (ता.८) रात्री नऊ वाजेपर्यंतची आहे. शनिवारी मृत्यू झालेल्यांमध्ये पुणे शहरातील सर्वाधिक ३७ जण आहेत. पिंपरी चिंचवडमधील १९, जिल्हा परिषद कार्यक्षेत्रातील १० आणि नगरपालिका व कॅंंटोन्मेंट बोर्डाच्या कार्यक्षेत्रात मिळून चार रुग्णांचा मृत्यू झाला आहे.
यामुळे पुणे जिल्ह्यातील एकूण कोरोना रुग्णांची संख्या आता १ लाख पाच हजार ५२३ झाली आहे. यापैकी ७६ हजार ७२६ उपचारानंतर कोरोनामुक्त झाले आहेत. एकूण रुग्णांपैकी आतापर्यंत २ हजार ४१४ रुग्णांचा मृत्यू झाला आहे. उर्वरीत २६ हजार ६५५ उपचार घेत आहेत.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.