यवत : राष्ट्रवादी काँग्रेसच्या पदाधिकारी डॉ वंदना मोहिते (रा. केडगाव)यांना पोलिसास मारहाण प्रकरणी अटक करण्यात आली असून न्यायालयाने त्यांना तीन दिवसांची पोलीस कोठडी दिली आहे. अशी माहिती यवतचे पोलिस निरीक्षक हेमंत शेडगे यांनी दिली.

गुरुवारी (दि. 15) पालखी मार्गावर कासुर्डी टोलनाका येथे कर्तव्यावर असणारे पोलीस नाईक नितीन कोहक हे वाहतुक व्यवस्थापन करत होते. त्या ठिकाणी चार चाकी गाडी मधून आलेल्या डॉ. वंदना मोहिते यांनी गाडी सोडण्या वरुन हुज्जत घातली. या वादात मोहिते यांनी कोहक यांच्या थोबाडीत मारली.

झालेल्या प्रकारावरून

वंदना मोहिते यांच्या विरोधात सरकारी कामात अडथळा आणला म्हणून गुन्हा दाखल करून त्यांना अटक करण्यात आली. डॉ. मोहिते या राष्ट्रवादी काँग्रेसच्या बारामती लोकसभा मतदारसंघाच्या डॉक्टर सेलच्या अध्यक्ष आहेत. या घटनेचा तपास सहाय्यक पोलीस निरीक्षक माधुरी तावरे करत आहेत