पुणेः पुण्याती स्वारगेट परिसरामध्ये दुकानांना भीषण आग लागल्याची घटना घडली आहे. अग्निशमन दलाचे सहा वाहने घटनास्थळी दाखल झाले आहेत.

पुण्यात स्वारगेट परिसरात दुपारी ३ वाजण्याच्या दरम्यान ही आग लागली. या आगीने अनेक दुकानांना भक्ष्य केलं आहे. भंगार दुकानाला पहिल्यांचा ही आग लागली.

आगीवर नियंत्रण मिळवण्यासाठी अग्निशमन दलाचे सहा वाहने घटनास्थळी दाखल झालेले आहे. आतापर्यंत ३ दुकाने आगीच्या भक्षस्थानी गेलेले असून अग्निशमन दलाकडून आग विझविण्याचे प्रयत्न सुरू आहेत.

दोन-अडीच महिन्यांपूर्वी अशीच आगीची घटना पुण्यामध्ये घडली होती. पुण्यातील लुल्लानगर परिसरात हॉटेलला भीषण आग लागली होती. एका इमारतीत हे हॉटेल ७ व्या मजल्यावर असल्यामुळे आगीचे लोण पसरत आहे. आग इतकी भीषण होती की, यामुळे टेरेसचेही मोठे नुकसान झाले.