Pune Ganeshotsav 2022 : कोरोनानंतर तब्बल दोन वर्षांनी यंदा निर्बंधमुक्त गणेशोत्वत संपूर्ण राज्यात साजरा केला जाणार असून, राज्यभरात पुण्यातील देखावे बघण्यासाठी मोठ्या संख्येने गणेशभक्त पुण्यात दाख होत असतात. एवढेच काय तर, पुण्यातील देखाव्यांची चर्चा देखील मोठ्या प्रमाणात होत असते. त्यात काही दिवसांपूर्वीच एकनाथ शिंदेंनी बंडखोरी करत मविआ सरकार पायउतार झाले. त्यानंतर नाट्यमय घडामोडींनंतर शिंदे-फडणवीस सरकार अस्तित्त्वात आले. या सर्व घडमोडींची संपूर्ण देशाने दखल घेतली होती. त्यानंतर आता पुन्हा पुण्यातील गणेशोत्वव काळात या सत्तातराचा खेळ पाहण्यास मिळणार आहे.

नरेंद्र मंडळ साकारणार सत्तांतराचा देखावा

यंदा पुण्यात गणेशोत्वादरम्यान अनेक मंडळं वेगळ्या पद्धतींचे देखावे सादर करणार आहेत. मात्र, या सर्वांमध्ये नरेंद्र मंडळाच्या देखाव्याची चर्चा गणपती उत्सवाआधीच सुरू झाली असून, यंदा हे मंडळ मुख्यमंत्री एकनाथ शिंदे आणि माजी मुख्यमंत्री उद्धव ठाकरे यांच्यामधील सत्ता मंथनाचा देखावा सादर करणार आहे.

सध्या या देखाव्याची अंतिम तयारी प्रसिद्ध कलाकार सतीश तारू यांच्या कारखान्यावर सुरू आहे. देखाव्यासाठी उद्धव ठाकरे आणि एकनाथ शिंदे यांच्या हुबेहुब मूर्ती साकारण्यात आल्या असून, हा देखावा भक्तांच्या आकर्षणाचा केंद्रबिंदू ठरेल असा विश्वास मंडळाच्या कार्याकर्त्यांना आहे.