खडकवासला - वेल्हे तालुक्यातील पानशेत धरणातील उत्तर बाजूला असलेल्या तीरावर दापसरे व घोल ही गावे आहेत. येथे या गावादरम्यान रस्त्यावर दरड कोसळून रस्ता बंद झाला आहे.

त्यामुळे, एसटी बस घोलकडे जाऊ शकली नाही. दापसर येथील प्रवासी सोडल्यानंतर एसटी घोलकडे निघाली होती. एसटी त्या खिंडीतून जाण्यापूर्वीच त्या ठिकाणी दरड कोसळली होती.

एसटीचे चालक व वाहक व बसमधील प्रवाशांची राहण्याची व जेवणाची सोय दापसरे येथे होती. रस्ता दुरुस्तीसाठी जेसीबीसाठी संपर्क करण्यात आला आहे. अशी माहिती उपविभागीय अधिकारी राजेंद्र कचरे यांनी बुधवारी रात्री दिली आहे.

बुधवारी संध्याकाळी स्वारगेट घोलकडे ‌जाणारी‌‌ एसटी‌‌ची काच फुटली आहे. असे ग्रामस्थांनी सांगितले. दरम्यान, गुरुवारी सकाळी रस्ता दुरुस्तीसाठी जेसीबी आणून रस्त्यातील दर हटवण्याचे काम सुरू आहे अशी माहिती तहसीलदार दिनेश पारगे यांनी दिली.