Pune - नागरिकांना पायाभूत सुविधा उपलब्ध करून देण्याची जबाबदारी लोकप्रतिनिधींची आहे. एनआयबीएम-शहराला जोडणाऱ्या रस्त्याची १५ ते २० फूट खोदाई करून काँक्रिटीकरण करत हा रस्ता पूर्ण केला आहे.

त्यामुळे या परिसरातील नागरिकांची अडचण दूर झाली असल्याचे मत हडपसर विधानसभा मतदारसंघाचे आमदार चेतन तुपे-पाटील यांनी म्हटले. एनआयबीएम येथील क्लाऊड -९ आनंदवन रस्त्याचे उद्घाटन तुपे यांच्या हस्ते करण्यात आले त्यावेळी ते बोलत होते.

माजी नगरसेविका नंदा लोणकर आणि नारायण लोणकर यांनी वन खात्याकडे सातत्याने केलेल्या पाठपुराव्याला यश आले असून हा रस्ता खुला करण्यात आला आहे. यावेळी राष्ट्रवादीचे शहराध्यक्ष प्रशांत जगताप, साधना बँकेचे चेअरमन सुरेश घुले, माजी नगरसेवक फारुख इनामदार, संजय लोणकर, कलेश्वर घुले,

बापू मुलानी, युवराज लोणकर, जुहेब काझी, मोहम्मद्दीन खान, बॉबी सहानी, गुरविंदरसिंग राजपाल, भोलासिंग अरोरा, बापू रोकडे, मनोज घुले, प्रशांत कुमार, विश्वनाथ लोणकर, योगेश फाळके, उमेश सोनी, सचिन कापरे उपस्थित होते. जगताप म्हणाले, 'नागरिकांच्या समस्या समजून घेऊन, त्या सोडविण्यासाठी आमचा प्रयत्न असून कितीही अडचणी आल्या तरी त्यावर मात करून नागरिकांच्या हिताचे काम करू.