पुणे : इंदिरा गांधी राष्ट्रीय मुक्त विद्यापीठाने (इग्नू) बॅचलर ऑफ बिजिनेस अॅडमिनिस्ट्रेशन (बीबीए) हा नवा अभ्यासक्रम सुरू केला आहे. जुलै २०२३ च्या सत्रासाठी सुरू केलेला हा अभ्यासक्रम इंग्रजी आणि हिंदी माध्यमात उपलब्ध असेल.

इग्नूचे पुणे विभागीय संचालक डॉ. डी.आर. शर्मा यांनी या संबंधीचे परिपत्रक प्रसिद्ध केले आहे. ते म्हणतात,‘‘कौशल्याधारीत अभ्यासक्रमांकडे विद्यार्थ्यांचा कल पाहता. इग्नूच्या वतीने तीन वर्षाचा बीबीए अभ्यासक्रम सुरू करण्यात आला आहे.

एकूण १२० श्रेयांकाच्या या अभ्यासक्रमासाठी प्रत्येक वर्षी ४० श्रेयांक असणार आहे. नियमित अभ्यासक्रमाबरोबरच विद्यार्थ्यांना कौशल्य विकास, मूल्यवर्धित शिक्षण आदीचे प्रशिक्षण दिले जाईल.’’पात्र विद्यार्थी ३१ जुलै पर्यंत अर्ज दाखल करू शकतात.

प्रवेशासाठी संकेतस्थळ : https://ignouadmission.samarth.edu.in/

इमेल : rcpune@ignou.ac.in