Pune Crime - जुन्नर येथील पोलीस कडून परीसरातील नागरिकांचे हरवलेले एकूण १९ मोबाईल चा शोध लावून ते नागरीकांना परत केले असल्याची माहिती जुन्नरचे उपविभागिय पोलीस अधिकारी रवींद्र चौधर व सहायक पोलीस निरीक्षक सचिन कांडगे यांनी दिली.

पुणे जिल्ह्यातील पोलीस स्टेशन हद्दित गहाळ झालेले मोबाईल चा शोध घेणेबाबत पुणे ग्रामीण पोलीस अधीक्षक अंकित गोयल यांनी सर्व पोलीस ठाण्याना सुचना दिल्या होत्या कि हरवलेले व गहाळ झालेल्या मोबाईल चा शोध लावावा त्याप्रमाणे ओतूर पोलीसांनी मोबाईल शोधकामी पथक नेमून गहाळ मोबाईलची तांत्रिकदृष्ट्या माहीती प्राप्त करून शोध घेतला असता वन प्लस,विवो,रेड मी,ओपन,सॉमसग,आय टेन,पोकळ,ऑनर अशा विविध कंपनी मॉडेलचे एकुण १९ मोबाईल हस्तगत करणेत आले आहे.

सदर मोबाईल बुधवारी पुणे ग्रामीणचे अपर पोलीस अधीक्षक मितेश घट्टे,जुन्नर उपविभागीय पोलीस अधिकारी रवींद्र चौधर,सहायक पोलीस निरीक्षक सचिन कांडगे यांच्या हस्ते नागरीकांना वाटप करण्यात आले.

सदर कारवाई पुणे ग्रामीण पोलीस अधीक्षक अंकित गोयल ,अपर पोलीस अधीक्षक मितेश घट्टे,जुन्नर उपविभागीय पोलीस अधिकारी रवींद्र चौधर यांचे मार्गदर्शनाखाली सहायक पोलीस निरीक्षक सचिन कांडगे,पोलीस हवालदार महेश पटारे,नरेंद्र गोराणे,बी.बी.तळपे,पोलीस नाईक डी.आर.पालवे,पुणे ग्रामीण सायबर ठाण्याचे पोलीस हवालदार महेश गायकवाड,पोलीस नाईक सुनिल कोळी, चेतन पाटील व पोलीस मित्र छोटू मणियार यांनी केली. यावेळी उपस्थित सर्वाचे पोलीस उपनिरीक्षक आकाश शेळके यांनी आभार मानले.