Pune Accident: पुणे अपघात प्रकरणी कारवाईला वेग आला आहे. याप्रकरणी बारचे मालक, मॅनजर सचिन काटकर याच्यासह पाच जणांना अटक करण्यात आली आहे. आज सकाळी अल्पवयीन आरोपीच्या वडिलांना संभाजीनगरमधून अटक करण्यात आली आहे. त्याच्यासह आणखी तिघांना पोलिसांनी ताब्यात घेतल्याचं समजतंय. तिघांना पुणे कोर्टात हजर केले जाणार आहे.

पुण्यातील अपघातामुळे लोकांमध्ये प्रचंड रोष निर्माण झाला आहे. या पार्श्वभूमीवर पोलिसांनी कारवाईचा वेग वाढवला आहे. मिळालेल्या माहितीनुसार याप्रकरणी, कोरेगाव परिसरातील कोझी आणि ब्लॅक पबचे मालक आणि मॅनेजरला पोलिसांनी अटक केली आहे. प्रल्हाद भुतडा आणि सचिन काटकर असं त्यांची नावे असल्याचं समजते. अल्पवयीन मुलांना दारु दिल्याप्रकरणी ही अटक करण्यात आली आहे.

४० लाखांचा कर न भरता आरोपी आलिशान पोर्शे कार चालवत होता. याप्रकणी आरटीओ कारवाई करण्याची शक्यता आहे. शिवाय शोरुम मालकाविरोधात दंडात्मक कारवाई केली जाणार आहे. परवाना नसताना वडिलांनी आरोपीला कार दिल्याची माहिती आहे.

कार चालवण्याचं प्रशिक्षण घेतलं नव्हतं. वडिलांनीच पोर्शे कार चालवायला दिली होती. मद्यप्राशन करत असल्याची माहिती वडिलांना होती. त्यांनीच मित्रांसोबत मद्यपार्टी करण्याची परवानगी दिली होती, असा कबुलीजबाब अल्पवयीन आरोपीने पोलिसांना दिली आहे. सदर प्रकरणामुळे राजकीय वातावरण देखील तापू लागलं आहे. काँग्रेस नेते रविंद्र धंगेकर यांनी अल्पवयीन मुलाचा बारमध्ये दारु पित असल्याचा व्हिडिओ शेअर केला आहे.

रविवारी रात्री बिल्डर विशाल अग्रवाल यांचा अल्पवयीन मुलगा दारु पिऊन पोर्शे कार चालवत होता. त्याने एका टू-व्हीलरला धडक दिली होती. यात दोघांचा मृत्यू झाला होता. अल्पवयीन आरोपीला जामीन देखील मिळाला आहे. यावरुन पुण्यासह राज्यात संतापाची लाट निर्माण झाली आहे. गृहमंत्री देवेंद्र फडणवीस यांनी यावर सखोल तपासाचे आदेश दिलेत.