पुणे : बाळ संगोपन रजेवर असलेल्या महिला पोलिस कर्मचाऱ्याने धनकवडी परिसरातील राहत्या घरात गळफास घेऊन आत्महत्या केली. कौटुंबिक वादातून या महिलेने आत्महत्या केल्याचा पोलिसांचा प्राथमिक अंदाज आहे.
पूजा दत्तात्रेय कांबळे (वय २८), असे आत्महत्या केलेल्या महिला पोलिसाचे नाव आहे. त्या पुणे ग्रामीण पोलिस दलात काम कार्यरत होत्या. दौंड पोलिस ठाण्यात पोलिस हवालदार म्हणून त्यांची नेमणूक असून सध्या त्या बाळ संगोपन रजेवर होत्या. धनकवडी येथील घरात त्या कुटुंबासमवेत राहात होत्या.
घरातील दुसऱ्या मजल्यावर त्या पतीसह राहात असताना रविवारी (ता.५) रात्री खालील मजल्यावर राहात असलेल्या कुटुंबातील इतर सदस्यांना भेटण्यासाठी आल्या नाही. यामुळे त्यांच्या पतीने दुसऱ्या मजल्यावर येऊन त्यांना आवाज देत दरवाजा वाजवला. मात्र, आतमधून प्रतिसाद न मिळाल्याने त्यांनी दरवाजा तोडून घरात प्रवेश केला. त्यावेळी पूजा यांनी बेडरूममध्ये गळफास घेतल्याचे दिसून आले. त्यांना तत्काळ भारती हॉस्पिटलमध्ये दाखल करण्यात आले. मात्र,उपचारापूर्वीच त्यांचा मृत्यू झाल्याचे डॉक्टरांनी सांगितले. सहकारनगर पोलिस तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.