पुणे : मध्यरात्री नऱ्हे येथील पेट्रोल पंपावर दरोडा, तीन जखमी, वीस हजार चारशे रुपयांची रोकड लंपास,दरोड्यांची घटना सीसीटीव्ही मध्ये कैद..

धायरी नऱ्हे येथील पेट्रोल पंपावर दरोडा टाकण्यात आला. यावेळी झालेल्या मारहाणीत तीन जखमी झाले. वीस हजार चारशे रुपयांची रोकड लुट करण्यात आली. मध्यरात्री पेट्रोल पंपावर दरोडा पडला. सर्व घटना सीसीटीव्ही मध्ये कैद झाली.

सिंहगड रोड पोलीस स्टेशन येथे गुन्हा दाखल करण्यात आला.सोमवारी  दि. 23 रोजी रात्री दीड वाजण्याच्या सुमारास  दोन अनोळखी इसम हातात कुऱ्हाड घेऊन यातील फिर्यादी कामास असलेल्या भूमकर चौक येथील व्ही. के .डी  पेट्रोलपंप येथे येऊन कुऱ्हाडीच्या उलट्या बाजूने  यातील शांतकुमार पाटील यांस डोक्याला व नाकाला व प्रसाद शेंडकर यांच्या डावे कानाचे वर डोक्याला कुऱ्हाडीच्या उलट्या बाजूने मारून गंभीर जखमी केले. तसेच अविनाश जमादार यांच्या खांद्यावर आणि हातावर मारून किरकोळ दुखापत केली. फिर्यादी यांना मारायचा धाक दाखवून त्यांचेकडून २०४०० एवढी रोख रक्कम जबरीने चोरून नेली आहे . मारहाण झालेल्याना उपचारासाठी रुग्णालयात दाखल करण्यात आले आहे.

● जखमी -

1. शांतकुमार पाटील

2. अविनाश जमादार

3. प्रशांत शेंडकर

●तपास -

1. घटनास्थळीचे cctv फुटेज घेतले आहे.

2. घटनस्थळाचे आजूबाजूचे cctv पाहणे चालू आहे.

3. घटनास्थळ वरील डंप डेटा काढणे चालू आहे.

घटनेची माहिती मिळताच सिंहगड पोलिसांनी घटनास्थळी धाव घेऊन घटनेची पाहाणी करून अज्ञात इसमा विरोधात गुन्हा दाखल करण्यात आला आहे. यावेळी सिंहगड रस्ता पोलिस स्टेशनचे वरीष्ठ पोलिस निरीक्षक शैलेश संखे, प्रमोद वाघमारे व इतर अधिकाऱ्यांनी घटनास्थळी भेट देऊन पुढील तपास सुरू केला आहे.

"पोलिसांनी घटनास्थळीचे cctv फुटेज घेतले आहे.घटनस्थळाचे आजूबाजूचे cctv पाहणे सुरू आहे, अशी माहिती वरिष्ठ पोलीस निरीक्षक शैलेश संख्ये यांनी सांगितली.