पुणे - खेड- सिन्नर महामार्गावरील राजगुरुनगर शहर बाह्यवळण (५ किमी), मंचर शहर बाह्यवळण व मंचर ते एकलहरे गावापर्यंत महामार्ग (८ किमी) आणि पेठ ( ६८० मीटर) महामार्ग चौपदरीकरण, या कामाची २१६ कोटी ५८ लाख रुपये किमतीची निविदा भारतीय राष्ट्रीय महामार्ग प्राधिकरणाने प्रसिद्ध केली आहे.  

ताज्या बातम्यांसाठी डाऊनलोड करा ई-सकाळचे ऍप

खेड ते सिन्नर महामार्गाच्या १३८ किलोमीटर लांबीच्या १३४८ कोटी रकमेच्या चौपदरीकरण कामास मंजुरी मिळाली होती. हे काम ‘आयएलएफएस’ या कंपनीला फेब्रुवारी २०१४ मध्ये दिले. कामाला ऑगस्ट २०१७ची मुदत होती. मात्र, भूसंपादन व्यवस्थित झाले नाही, त्यातच २०१७ मध्ये ‘आयएलएफएस’ दिवाळखोरीत निघाली. सर्व बाह्यवळण कामांसाठी प्राधिकरणाकडून ४५० ते ५०० कोटी निधीला मंजुरी मिळाली. नारायणगाव बाह्यवळण व खेड घाट या कामांची ८९ कोटींची निविदा नोव्हेंबर २०१८ मध्ये प्रसिद्ध झाली. दुसऱ्या टप्प्यात राजगुरुनगर व मंचर बाह्यवळण व मंचर ते एकलहरेपर्यंतचा महामार्ग, आदी १४ किलोमीटरच्या कामांसाठी २१६ कोटींची निविदा प्रसिद्ध केली.