पुणे : राज्यातील अनाधिकृत शाळांवर कारवाई करण्याबाबत शिक्षण संचालनालयानं पत्रक काढलं आहे. येत्या शैक्षणिक वर्षात या अनधिकृत शाळा बंद कराव्यात अशा सूचना देण्यात आल्या आहेत. या पत्रकात अशा शाळांना मोठ्या दंडाची तरतूद करण्यात आली आहे. (Pune news action will be taken against illegal schools in Maharashtra Provision of heavy fines)

पत्रकात काय म्हटलंय?

सूचना देऊनही शाळा बंद न केल्यास प्रतिदिन दहा हजार रुपये दंड करण्याची तरतूद करण्यात आली आहे. तसेच अनधिकृत शाळांच्या व्यवस्थापनास एक लाख रुपये दंड ठोठावण्यात येणार आहे. दरवर्षी शैक्षणिक वर्ष सुरू होण्यापूर्वी अनाधिकृत शाळांची दिलेल्या निर्देशांनुसार योग्य ती कारवाई होणं अपेक्षित आहे, असंही या पत्रकातून निर्देश देताना म्हटलं. (Latest Marathi News)

अनधिकृत शाळा असतील तर त्या बंद कराव्यात अन्यथा शाळा सुरू राहिल्यास शिक्षणाधिकाऱ्यांवरच शिस्तभंगाची कारवाई करण्यात येणार आहे. त्याचबरोबर सर्व शाळांच्या फलकावरती 'यू डायस' नंबर असणं आवश्यक आहे. (Marathi Tajya Batmya)