वालचंदनगर : मुख्यमंत्री देवेंद्र फडणवीस यांनी नाभिक समाजाबद्दल अपमानजनक वक्तव्य केल्याबद्दल इंदापूर तालुक्यातील वालचंदनगर,कळंब ,जंक्शन परिसरातील नाभिक समाजाच्या युवकांनी काळ्या फिती बांधून मुख्यमंत्र्याचा निषेध करून नाभिक समाजाची माफी मागण्याची मागणी केली.

राज्याचे मुख्यमंत्री देवेंद्र फडणवीस यांनी नाभिक समाजाबद्दल अपमानजनक वक्तव्य केल्याबद्दल गावोगावी मुख्यमंत्र्याच्या वक्तव्य निषेध करण्यात येत आहे. इंदापूर तालुक्याच्या पश्चिम भागातील वालचंदनगर,कळंब परिसरातील नाभिक समाजाच्या युवकांनी आज रविवार (ता १९) रोजी सलून ची दुकाने बंद ठेवून काळ्या फिती लावून निषेध केला.

जंक्शन येथे वालचंदनगर पोलिसांना निवेदन देवून मुख्यमंत्र्यानी नाभिक समाजाची माफी मागण्याची मागणी केली. यावेळी कृषी उत्पन्न बाजार समितीचे संचालक दत्तात्रेय फडतरे,आरपीआय चे महादेव मिसाळ ,बसपाचे हर्षवर्धन गायकवाड,महेश लोंढे, राष्ट्रवादीचे नवनाथ धांडोरे ,तुषार घाडगे उपस्थित होते. नाभिक समाजाचे कालीदास राऊत,दिलीप राऊत,राजू धारे ,प्रमोद खंडागळे,दादा खंडागळे,जयवंत साळुंके यांच्यासह समाजाच्या युवकांनी काळ्या फिती बांधून आंदोलनामध्ये सहभाग घेतला.