ओतूर - ता.जुन्नर येथे बिबट्याचा दुचाकीवर हल्ला महिला किरकोळ जखमी झाल्याची माहिती वनक्षेत्र अधिकारी वैभव काकडे यांनी दिली.तसेच वनविभागाकडून या परीसरात सोमवारी सकाळी बिबट्याचा बंदोबस्त करण्यासाठी पिंजरा ही लावण्यात आला असल्याची माहिती त्यांनी दिली.

सदर बिबट्याचा हल्ला रविवारी रात्री ओतूर घुलेपट मार्गावर झाला असून यात मनिषा गंगाराम तांबे वय.४५ ह्या बिबट्याचा पंजाचे नख लागल्याने किरकोळ जखमी झाल्या आहेत.याबाबत अधिक माहिती अशी की रविवारी रात्री

ओतूर येथील घुलेपट येथे गंगाराम तांबे हे पत्नी मनिषा सह दुचाकीवर घरी चालले असतात अचानक ऊसात दबाधरून बसलेल्या बिबट्याने दुचाकीवर झेप घेऊन हल्ला केला.यात बिबट्याच्या पंजाचे नख मनिषा तांबे यांच्या पायाला लागले.सदर घटना सजताच ओतूरचे वनपरिक्षेत्र अधिकारी वैभव काकडे, वनपाल सुधाकर गिते, वनरक्षक सुदाम राठोड, विश्वनाथ बेले, किसन खरोडे यानी जागेवर जाऊन पहाणी केली.तसेच जखमी तांबे यांना प्राथमिक आरोग्य केंद्र ओतूर येथे नेऊन उपचार करुन बिबट प्रतिबंधक लस देण्यासाठी व इतर उपचारासाठी जुन्नर नेले.

सदर परिसरात ओतूर वनविभागाकडून पिंजरा लावण्यात आला आहे.ओतूर घुलेपट परीसर बिबट प्रवन क्षेत्रात येत असल्याने नागरीकांनी रात्री घरासमोर लाईट लाववी ,बरोबर बॅटरी असावी,एकटे फिरु नये,समुहाने फिरावे शक्य नसल्यास मोबाईल किंवा मोठ्या आवाजाचे यंत्र बरोबर ठेवून मोठा करावा,पशुधन व दुभत्या जनावरांचा गोठा बंदिस्त गोठ्यात ठेवावा असे आवाहन वनविभागाकडुन करण्यात आले आहे.