पुणे- पुण्यातील शुक्रवार पेठेत फटाक्यामुळे जुन्या वाड्याला आग लागली आहे. वाडा लाकडी असल्यामुळे फटाक्यांच्या ठिणग्यांनी रौद्ररूप धारण केलं. सुदैवाने या वाड्यात कोणीही वास्तव्यास नव्हते. आगीवर नियंत्रण मिळवण्यात अग्निशमन दलाला यश आलं आहे.

मिळालेल्या माहितीनुसार, दिवाळीच्या निमित्ताने काही नागरिक याच वाड्याच्या परिसरात फटाके फोडत होते. याच फटाक्यांमुळे लाकडी वाड्याला आग लागली. पुण्यात फटाक्यांच्या कारणाने १० ठिकाणी आगीच्या घटना घडल्याची माहिती आहे. गॕलरीत, टेरेसवर पेट घेण्यासारख्या वस्तू ठेवू नका असं आवाहन अग्निशमन दलाकडून करण्यात येतंय.

दिवाळीच्या निमित्ताने मोठ्या प्रमाणात फटाके फोडले जात आहेत. पण, यामुळे अनेक ठिकाणी आगीच्या घटना समोर आल्या आहेत. पुण्यातील अग्निशमन दलाच्या एका केंद्रालाच आग लागल्याची घटना घडली. सुदैवाने आग विझवण्यात यश आलं आहे. सोलापूरातील बार्शीमध्येही राजवाडा हॉटेलला आग लागली होती. अग्निशमन दलाने आग विझवली आहे. (Latest Marathi News)