पुणे - दिवाळीचा उत्सव सुरू झाला आहे. सोमवारी लक्ष्मीपूजन असून उद्या रविवार आहे. त्यामुळे चाकरमान्यांसह विद्यार्थ्यांची गावी जाण्यासाठी लगबग सुरू झाली आहे. त्यामुळे बसस्थानक, रेल्वस्थानक आणि खासगी बस थांब्यावर मोठ्याप्रमाणात गर्दी झाली आहे. त्यातच पुणे स्थानकावर चेंगराचेंगरी झाल्याचं वृत्त आहे. (Pune News in Marathi)

पुणे रेल्वे स्थानकावर झालेल्या चेंगराचेंगरीत एका प्रवाशाचा मृत्यू झाल्याचं सांगण्यात आलं आहे. पुणे रेल्वे स्थानकावर रेल्वेत चढताना चेंगराचेगरी झाल्याचं सांगण्यात आलं आहे. प्रवासी पुणे-दानापूर एक्सप्रेसमध्ये चढत असताना ही दुर्घटना घडली.

बौद्ध मांझी (२१) असे मृत्यू व्यक्तीचे नाव आहे. पुणे दानापुर एक्स्प्रेस गाडी प्लॅटफॉर्म क्रमांक एकवर असताना हा प्रकार घडला. दानापूर एक्स्प्रेस गाडी बिहार राज्यात जाते. दिवाळीमुळेया गाडीला मोठ्या प्रमाणात गर्दी होतेय.

मृत बौद्ध मांझी हा देखील ही ट्रेन पकडण्यासाठी जनरल डब्यात चढण्याचा प्रयत्न करत होता. या दरम्यान शेकडो जणांनी त्या डब्यात शिरायचा प्रयत्न केला. यात मांजी खाली प्लॅटफॉर्म वर पडला. त्याचवेळी गर्दीने त्याला तुडवून टाकले.

दरम्यान, घटनास्थळी रुग्णवाहिका दाखल झाल्यानंतर डॉक्टरांनी मांझी याची तपासणी केली, पण तोपर्यंत त्याचा मृत्यू झाला होता.