मार्केट यार्ड : पुणेकरांनी तब्बल तीन हजार बोकड, 40 टन मासळी, 600 टन चिकन फस्त करून नववर्षाचा आनंद साजरा केला. सरत्या वर्षाच्या शेवटच्या दिवशी मंगळवार आल्याने विविध प्रकारच्या मांसाहारी जेवणावर खवय्यांनी ताव मारला. 

पुणे विद्यापीठात बाटली नव्हे, ग्लासानेच प्यायचे पाणी 
 

मटण व चिकनला मागणी वाढली असली, तरी त्यांचे दर स्थिर होते. मात्र, मासळीच्या भावात प्रतिकिलो 10 ते 20 रुपयांनी वाढ झाली. गणेश पेठेतील मासळी बाजार, मटण बाजार, चिकन-मटणाच्या दुकानांमध्ये गर्दी झाली होती. काही भागांत चिकन, मटणाच्या दुकानांजवळ ग्राहकांच्या रांगा लागल्या होत्या. गेल्या वर्षीच्या तुलनेत यंदा 31 डिसेंबरला नॉनव्हेजला अधिक मागणी असल्याची माहिती मटण दुकानदार असोसिएशनचे अध्यक्ष प्रभाकर कांबळे, ठाकूर परदेशी आणि रूपेश परदेशी यांनी दिली. 
ताज्या बातम्यांसाठी डाऊनलोड करा ई-सकाळचे ऍप

बाजारात चिकनला 150, जिवंत कोंबडी 120, लेगपीस 180, बोनलेसला 250 रुपये दर मिळाला. मटणाला किरकोळ बाजारात 580 ते 600 रुपये दर होता. तसेच, पापलेट आणि कोळंबीच्या दरात वाढ झाली. पापलेटमध्ये कापरी 1500, मोठी 900, मध्यम 900, लहान 700-750, भिला 700-750 तर कोळंबी लहान 360, मोठी 550, किंग प्रॉन्स 900, जम्बोला 1500 रुपये दर मिळाला. 

कोरेगाव भीमा : विजयस्तंभास अजित पवार, प्रकाश आंबेडकरांकडून अभिवादन
 

हॉटेल, खाणावळी फुल्ल 
नववर्षाच्या स्वागतासाठी अनेक जण सहकुटुंब घराबाहेर पडले होते. त्यामुळे मांसाहारी जेवणाची हॉटेल आणि खाणावळीत गर्दी झाली होती. अनेक कार्यालयांतील सहकारी, संस्था, विविध मंडळे, सोसायट्यांनी एकत्र येऊन मांसाहारीसह शाकाहारी जेवणाचा बेत आखल्याचे ठिकठिकाणी पाहावयास मिळत होते.