पुणे: सोशल मिडियावर सध्या कोरोना लॉकडाऊनच्या काळात सोशल मिडीयावर जुन्या फोटोवर कॉमेंटचा ट्रेंड सुरु आहे. त्यात अनेक उखाणे, चारोळी आणि मीम्स पाहायला मिळतायेत. आता या ट्रेंडची हवा पुणे पोलीसांना देखील लागली आहे. पुणे पोलिसांनी असाच एक यमक चारोळी ट्टवीट केली आहे. त्यांचे हे ट्विट नंतर महाराष्ट्र पोलीसांनी रिट्वीट केले आहे.

लॉकडाऊनमध्ये सोशल मिडियावर नवा ट्रेंड; फ्रेंन्डसच्या जुन्या फोटोवर कॉमेंट्स करण्यात तरुणाई बिझी

पुणे पोलिसांनी सोशल मिडियाच्या ट्रेंड फॉलो करत कोरोनामुळे सुरु असलेल्या लॉकडाऊनबाबत जनजागृती केली आहे. गमतीशीर ओळींमधून त्यांनी पुणेकरांना, नागरिकांना घरताच राहण्याचा सल्ला दिलाय. 

तुळशीबाग, एफ सी रोड आणि सदाशिव पेठ 
सगळीकडे जाऊया , मात्र लॉकडाऊननंतर भेट 

असे  ट्वीट त्यांनी केले असून ल्पावधीतचं हे ट्टवीट महाराष्ट्र  पोलीसांसह अनेकांनी रिट्टवीट केलं. 
बातम्या ऐकण्यासाठी डाऊनलोड करा ई-सकाळचे ऍप

पुणे पोलिसांच्या पाठोपाठ महाराष्ट्र पोलिसांनी देखील अशी गमतीशीर ट्विट करत नागरिकांना घरातच सुरक्षित राहण्याचे आवाहन केले आहे. 
तिखट मिसळीवर घ्या एक वाटी तरी 
लॉकडाऊनमध्ये राहा सुरक्षित घरी 

 महाराष्ट्र पोलीसांचे हे ट्टवीट देखील  सगळीकडे व्हायरल होतं आहे.
आणखी वाचा - वाचा महाराष्ट्रातील कोरोना व्हायरस रुग्णांची स्थिती