पुणेः पुण्यातल्या कल्याणी नगर भागात झालेल्या पोर्शे कार अपघातामध्ये मी कुणालाही फोन केला नसल्याचं खुलासा राज्याचे उपमुख्यमंत्री अजित पवार यांनी केला आहे. सामाजिक कार्यकर्त्या अंजली दमानिया यांनी अजित पवार यांचं नाव घेऊन गभीर आरोप केला होता.
अंजली दमानिया यांनी म्हटलं होतं की, पुणे अपघात प्रकरणात अजित पवारांनी पुण्याच्या पोलिस आयुक्तांना फोन केला होता, याचा खुलासा सीपींनी करावा आणि पवारांचा फोन ताबडतोब जप्त करुन तपासणीसाठी पाठवावा, अशी मागणी त्यांनी केली होती.
त्यानंतर माध्यमांशी बोलताना अजित पवारांनी हा आरोप फेटाळून लावला आहे. मी कधीच कुणाला सोडण्यासाठी फोन केला नाही, असं अजित पवार म्हणालेत.
काय म्हणाले अजित पवार?
अजित पवार म्हणाले की, पुण्यातील अपघात प्रकरणात डॉक्टर, पोलिसांवर कारवाई करण्यात आली आहे. त्यांचं बेजबाबदारपणाचं कृत्य होतं. नातू, वडील, आजोबांवर कारवाई केलीय.. जो दोषी असेल त्याच्यावर कडक कारवाई केली जाणार आहे. मी पालकमंत्री म्हणून अधिकाऱ्यांना फोन करत असतो. अशा घटना घडल्यावर मी पाठिशी घाला, असं कुणाला सांगत नाही. अजित पवार जरी असला तरी कारवाई करा, असं मी सांगतो.
अजित पवार पुढे म्हणाले की, अपघात प्रकरणात कुणाचाही दबाव नाही. सुनील टिंगरे यांचं नाव घेतलं जात होतं, मी त्यांच्याशी बोललो. त्यांनी वस्तुस्थिती सांगितली. चौकशीअंती दूध का दूध आणि पाणी का पाणी होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.