पुण्यात आजही ढगांच्या गटागटासह पावसाला सुरुवात झाली आहे. काल (मंगळवार) पुण्यातील अनेक भागात पावसाने हजेरी लावली. आज खराडी परिसरात गारांचा पाऊस होत आहे. बोराएवढ्या गारा जमिनीवर कोसळत आहेत. वाघोली परिसरात देखील गारांचा पाऊस सुरु झाला आहे. Pune Rain Update
पुणे शहर परिसरात दुपारपासून ढगाळ वातावरण होतं. त्यामुळं उकाडाही जाणवत होता. त्यानंतर काही भागात पावसाला सुरूवात झाली आहे. खराडी, वाघोली परिसरात पावसाला सुरुवात झाली आहे.
उबाळे नगर परिसरात होर्डिंग कोसळले आहे. पावसासोबत जोराचा वारा देखील सुरु आहे. यामुळे रस्त्यावर मोठ्या प्रमाणात वाहतूक कोंडी देखील झाली आहे.
पुण्याकडे जाणारी वाहतूक ठप्प झाली आहे. वाहनांच्या तीन ते चार किलोमीटरची रांगा लागल्या आहेत. विद्युत तारा तुटल्या असल्यामुळे दोन चारचाकीचे नुकसान झाले.
तर काल (मंगळवार) सायंकाळी वाघोलीत जोरदार पाऊस झाला. भावडी रोडला नदीचे स्वरूप आले होते. जोरदार वाऱ्यामुळे अनेक ठिकाणच्या कमानी, बोर्ड तुटले तर अनेक होर्डींगच्या फ्लेक्सचे कापड फाटून इतरत उडाले होते. पुणे नगर महामार्गालगतही काही ठिकाणी पाणी साचले होते. (pune rain news)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.