Manchar: डिंभे धरणातून १८ हजार क्युसेस पेक्षा अधिक पाणी घोड नदी पात्रात सोडले आहे. त्यामुळे रविवारी (ता४)संध्याकाळी पिंपळगाव खडकी- (तालुका आंबेगाव ) नदीपात्रात अतिरिक्त पाणी झाल्यानेयेथे स्मशानभूमी व बैलगाडा शर्यतीचा घाट पाण्यामध्ये बुडून गेला आहे. ज्येष्ठ नागरिकाच्या अंत्यविधीची जागा बदलण्याचा प्रसंग नातेवाईक व ग्रामस्थांवर ओढावला.

घोड नदीच्या काठावर दक्षिण बाजूला पिंपळगाव आहे. नदीच्या लगतच बैलगाडा शर्यतीचा घाट व स्मशानभूमीचे शेड आहे. या परिसरात जवळपास 20 ते 25 फूट उंचीचा पाण्याचा फुगवटा पसरला आहे. पाण्याचे पातळीत वाढ होत आहे.

त्यामुळे शेजारी राहणाऱ्या नागरिकांना सतर्कतेचा इशारा सरपंच दीपक पोखरकर व सामाजिक कार्यकर्ते अनिल चव्हाण यांनीदिला आहे. पोखरकर म्हणाले"सद्यस्थितीत पुराच्या वाढत्या पाण्यावर ग्रामपंचायत तिचे कर्मचारी विशेष लक्ष ठेवून आहेत. नागरिकांना काळजी घेणे विषयी सूचना दिले आहेत.