खेड-शिवापूर - नाताळ सणाच्या सुट्टयांचा आंनद घेण्यासाठी शनिवारी नागरीक मोठ्या संख्येने बाहेर पडले. त्यामुळे शनिवारी सकाळपासून पुणे-सातारा रस्त्यावर मोठ्या प्रमाणात वाहनांची गर्दी होती.

रविवारची सुट्टी त्यात रविवारी नाताळ सण आहे. अनेक जणांना नाताळ सणाच्या सुट्ट्या आहेत. या सुट्टयांचा आंनद घेण्यासाठी नागरीक शनिवारी मोठ्या संख्येने बाहेर पडले आहेत. अनेक जण या सुट्टयांसाठी कोकण, गोवा आदी ठिकाणी चालले आहेत. त्यामुळे या भागात जाणाऱ्या नागरीकांमुळे शनिवारी पुणे-सातारा रस्त्यावर वाहनांची मोठ्या प्रमाणात गर्दी पाहायला मिळाली. सकाळी आठ वाजल्यापासून साताऱ्याच्या दिशेने जाणाऱ्या वाहनांची पुणे-सातारा रस्त्यावर गर्दी दिसून आली.

या वाहनांमुळे पुणे-सातारा रस्त्यावरील खेड-शिवापूर टोल नाक्यावर वाहनांच्या रांगा लागलेल्या दिसून आल्या. साताऱ्याकडे जाणाऱ्या टोल नाक्यावर शनिवारी सुमारे एक किलोमीटर वाहनांच्या रांगा लागल्या होत्या. शनिवारी दुपारपर्यंत साताऱ्याकडे जाणाऱ्या रस्त्यावर वाहनांची गर्दी कायम होती.