Pune Accident - यवत दुपारी 3 वाजताचे सुमारास टायर फाटा (बोरीभडक ता. हवेली ) येथे पुणे - सोलापूर महामार्गावर आयशर टेम्पो (क्र. MH 16 AY 0929) सोलापूर बाजूकडून पुणेकडे जात होता. या टेम्पोचा axle तुटल्याने चालकाचे गाडीवरील नियंत्रण सुटले. दुभाजक तोडून हा टेम्पो विरूध्द मार्गिकेवर जाऊन दोन स्विफ्ट कार व एक मोटरसायकल ला धडकून पलटी झाला.

या अपघातामध्ये आयशर वाहनातील, दोन्ही स्विफ्ट मधील व एका मोटरसायकल वरील असे एकूण 14 जण किरकोळ व गंभीर जखमी झाले आहेत. सर्व जखमींना उपचारासाठी खाजगी रुग्णालयात भरती केले आहे.

यवत पोलीसांनी अपघात ग्रस्त वाहने बाजूला करून वाहतूक सुरळीत केली आहे. गुन्हा दाखल करण्याची प्रक्रिया सुरू आहे. अशी माहिती यवतचे पोलिस निरीक्षक हेमंत शेंडगे यांनी दिली.