पुणे - महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे विभागीय मंडळातील दोन लाख ५८ हजार ७९३ विद्यार्थ्यांनी परीक्षा दिली. त्यातील दोन लाख ४७ हजार ५३१ विद्यार्थी उत्तीर्ण झाले असून उत्तीर्णतेच्या निकालाची टक्केवारी ९५.६४ आहे. राज्यातील एकूण निकालाच्या टक्केवारीत पुणे विभागीय मंडळ तिसऱ्या स्थानावर आहे.

या परीक्षेसाठी पुणे, सोलापूर, नगर जिल्ह्यातील दोन लाख ६० हजार ३२७ विद्यार्थ्यांनी नोंदणी केली होती. त्यातील दोन लाख ५८ हजार ७९३ विद्यार्थ्यांनी परीक्षा दिली. पुणे विभागीय मंडळात ९० टक्क्यांपेक्षा जास्त गुण मिळविणारे ११ हजार ४४१ विद्यार्थी आहेत. सात हजार ५४७ पुनर्परीक्षार्थी विद्यार्थ्यांनी ही परीक्षा दिली. त्यात चार हजार ८४५ विद्यार्थी उत्तीर्ण झाले असून उत्तीर्णतेच्या निकालाची टक्केवारी ६४.३१ आहे. पुणे विभागीय मंडळातील एक विद्यार्थ्यांचा निकाल राखून ठेवण्यात आला आहे.

पुणे आणि सोलापूर विभागात पहिल्या स्थानावर

विभागीय मंडळात पुणे आणि सोलापूर जिल्ह्यातील सर्वाधिक ९६.०६ टक्के नियमित विद्यार्थी उत्तीर्ण झाले आहेत. तर नगर जिल्ह्यातील उत्तीर्ण विद्यार्थ्यांची टक्केवारी ९४.४८ आहे. तर पुणे विभागीय मंडळातील ९५.६४ नियमित विद्यार्थी उत्तीर्ण झाले आहेत.

पुणे विभागीय मंडळातील दहावीच्या निकालातील आकडेवारी (नियमित विद्यार्थी) :

जिल्हा : नोंदणी केलेले : परीक्षा दिलेले : उत्तीर्ण झालेले : उत्तीर्णतेची टक्केवारी

पुणे : १,२८,६६० : १,२८,११७ : १,२३,०७१ : ९६.०६

नगर : ६८,३७१ : ६७,८७४ : ६४,१३२ : ९४.४८

सोलापूर : ६३,२९६ : ६२,८०२ : ६०,३२८ : ९६.०६

एकूण : २,६०,३२७ : २,५८,७९३ : २,४७,५३१ : ९५.६४

टक्केवारीनिहाय विद्यार्थ्यांची संख्या :

टक्केवारी : विद्यार्थ्यांची संख्या

९० टक्के आणि त्यापेक्षा अधिक : ११,४४१

८५ टक्के आणि त्यापेक्षा अधिक : १९,४५३

८० टक्के आणि त्यापेक्षा अधिक : २६,२८९

७५ टक्के आणि त्यापेक्षा अधिक : २९,८०२

७० टक्के आणि त्यापेक्षा अधिक : ३१,५८९

पुणे शहर परिसरातील निकालाची आकडेवारी (नियमित) :

परिसर : नोंदणी केलेले : परीक्षा दिलेले : उत्तीर्ण झालेले : उत्तीर्णतेची टक्केवारी

हवेली तालुका : १३,४४९ : १३,३९८ : १२,८५७ : ९५.९६

पुणे शहर (पश्चिम) : १८,९७० : १८,९०० : १८,१२१ : ९५.८७

पुणे शहर (पूर्व) : २३,१८३ : २३,०७० : २२,०१६ : ९५.४३

पिंपरी-चिंचवड : १९,२८२ : १९,२३२ : १८,६०२ : ९६.७२