पुणे : बाणेर रस्त्यावरील हॉटेल ग्रीन पार्क चौक ते पल्लोड फार्म रस्त्यावर शनिवारपासून (ता. १२) मेट्रोचे काम सुरू करण्यात येणार आहे. त्यामुळे १५ ऑगस्टपर्यंत बाणेर रस्त्यावरील वाहतुकीत बदल करण्यात येणार आहे. वाहनचालकांनी पर्यायी मार्गांचा वापर करावा, असे आवाहन वाहतूक शाखेकडून करण्यात आले आहे.
बाणेर रस्त्यावरील हॉटेल ग्रीन पार्क चौक ते महाबळेश्वर हॉटेलकडे जाणारी वाहतूक बंद करण्यात येणार आहे. सावित्रीबाई फुले पुणे विद्यापीठासमोरील आचार्य आनंदऋषिजी चौकातून अभिमानश्री सोसायटी चौक ते बाणेर या दिशेने जाणाऱ्या वाहनचालकांनी बाणेर फाटा चौकातून उजवीकडे वळावे.
तेथून आयटीआय रस्त्यावरील परिहार चौकातून डावीकडे वळून इच्छितस्थळी जावे. डॉ. बाबासाहेब आंबेडकर चौकातून नागरस रस्ता, महाबळेश्वर हॉटेलजवळून वाहनचालकांना बाणेर रस्त्यावर जाता येईल.
तसेच, ग्रीन पार्क हॉटेल चौकातून डावीकडे वळण घेऊन सोमेश्वर मंदिरमार्गे रामनदीवरील पुलावरुन उजवीकडे वळावे. तेथून वाहनचालकांनी पासपोर्ट कार्यालयासमोरुन बाणेर रस्त्यावरून इच्छितस्थळी जाता येईल. वाहनचालकांनी पर्यायी मार्गाचा वापर करावा, असे आवाहन वाहतूक शाखेचे पोलिस उपायुक्त विजयकुमार मगर यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.